ຂ່າວສານ
ຫວຽດນາມຖືການປັບປຸງ ແລະ ເພີ່ມທະວີການພົວພັນຄູ່ຮ່ວມມືຍຸດທະສາດຢ່າງຮອບດ້ານກັບ ສະຫະພັນລັດເຊຍ ເປັນສຳຄັນ
ທີ່ການໂອ້ລົມທາງໂທລະສັບ, ທ່ານ ຫງວຽນຝູຈ້ອງ ໄດ້ແຈ້ງໃຫ້ຊາບ ບັນດາຜົນງານຫຼັກແຫຼ່ງຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດ ຫວຽດນາມ, ທ່ານກໍ່ຢັ້ງຢືນວ່າ ພັກ ແລະ ລັດ ຫວຽດນາມ ມີຄວາມສະເໝີຕົ້ນສະໝີປາຍ ຍາມໃດກໍ່ຖືການປັບປຸງ ແລະ ເພີ່ມທະວີການພົວພັນຄູ່ຮ່ວມມືຍູດທະສາດກັບ ສະຫະພັນລັດເຊຍເປັນສຳຄັນ. ການພົວພັນລະຫວ່າງ ພັກກອມມູນິດ ຫວຽດນາມ ແລະ ພັກລັດເຊຍເອກະພາບ ໄດ້ສ້າງພື້ນຖານສຳຄັນໃນການຊຸກຍູ້ການພົວພັນຮ່ວມມືລະຫວ່າງສອງປະເທດ ໃຫ້ເຂົ້າລວງເລິກ, ມີປະສິດທິຜົນ, ນຳມາເຊິ່ງຜົນປະໂຫຍດອັດແທດຈິງໃຫ້ແກ່ທັງສອງຝ່າຍ.
ສ່ວນທ່ານ Dmitry Medvedev ໄດ້ອວຍພອນທ່ານ ເລຂາທິການໃຫຍ່ ປະທານປະເທດຫວຽດນາມ ຫງວຽນຝູຈ້ອງ ໄດ້ ຄັດເລືອກເປັນເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ໃນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດຫວຽດນາມ. ທ່ານ ກໍ່ໃຫ້ຮູ້ວ່າ ລັດເຊຍ ພ້ອມແລ້ວທີ່ຈະຊຸກຍູ້ການຮ່ວມມືກັບຫວຽດນາມ ໃນບັ້ນຕໍ່ສູ້ກັບໂລກລະບາດໂຄວິດ - 19 ໃນປັດຈຸບັນ ກໍ່ຄືການຮ່ວມມືໃນທຸກຂົງເຂດ, ທ່ານຢັ້ງຢືນວ່າ ລັດເຊຍ ຖືການພົວພັນມິດຕະພາບທີ່ເປັນມູນເຊື້ອ ແລະ ຄູ່ຮ່ວມມືຍຸດທະສາດຢ່າງຮອບດ້ານກັບຫວຽດນາມ ເປັນສຳຄັນ.
(ແຫຼ່ງຄັດຈາກ VOV)
