ຂ່າວສານ
ສົກຮຽນໃຫມ່ 2021- 2022: ສ້າງຫລາຍແຜນການກ່ຽວກັບການຮຽນການສອນຢ່າງປອດໄພເພື່ອປ້ອງກັນຕ້ານໂລກລະບາດໂຄວິດ -19
ຕາມແຜນການຂອງສົກຮຽນ 2021-2022ໂດຍກະຊວງສຶກສາ ແລະ ບຳລຸງສ້າງປະກາດໃຊ້ນັ້ນ, ນັກຮຽນຈະເລີ່ມເຂົ້າໂຮງຮຽນແມ່ນນັບແຕ່ວັນທີ 1 ກັນຍາ, ສະເພາະນັກຮຽນປໍ 1 ແມ່ນນັບແຕ່ວັນທີ 23 ສິງຫາ. ໄລ່ຮອດວັນທີ 18 ສິງຫາ ໄດ້ມີກວ່າ 40 ແຂວງ, ນະຄອນປະກາດຕາຕະລາງຮຽນໃນສົກຮຽນໃຫມ່. ສ່ວນຫລາຍບັນດາແຂວງ, ນະຄອນໃຫ້ນັກຮຽນຫ້ອງປໍ 1 ເຂົ້າໂຮງຮຽນແມ່ນເລີ່ມແຕ່ວັນທີ 23 ສິງຫາ, ສ່ວນຫ້ອງອື່ນໆແມ່ນວັນທີ 1 ກັນຍາ. ທ່ານ ຫງວຽນກວກຕວັນ ຫົວຫນ້າພະແນກສຶກສາ ແລະ ບຳລຸງສ້າງ ແຂວງ ຮ່ານາມໃຫ້ຮູ້ວ່າ:
“ແຂວງ ຮ່ານາມ ກໍ່ໄດ້ປະກາດໃຊ້ແຜນການກ່ຽວກັບເວລາຮຽນຂອງສົກຮຽນໃໝ່. ເຖິງຢ່າງໃດກໍຕາມ ແຂວງຕ້ອງອີງໃສ່ສະພາບການຜັນແປຂອງໂລກລະບາດໂຄວິດ - 19 ຈຶ່ງມີບັນດາຂໍ້ກຳນົດລະອຽດ. ປະຈຸບັນ ແຂວງກໍ່ໄດ້ກະກຽມທຸກເງື່ອນໄຂເພື່ອໃຫ້ນັກຮຽນໄດ້ເຂົ້າຮຽນ. ແຕ່ວ່າ ຕໍ່ຫນ້າການຜັນແປສັບສົນຂອງໂລກລະບາດ ສະນັ້ນ ທາງແຂວງກໍ່ໄດ້ມອບໃຫ້ພະແນກສຶກສາ ແລະ ບຳລຸງສ້າງ ຊີ້ນຳບັນດາຮາກຖານການສຶກສາກະກຽມບັນດາວິທີການທີ່ສາມາດຮຽນໄດ້ ຕົວຢ່າງຄື: ການຮຽນການສອນ ອອນລາຍ.”ໄປຄຽງຄູ່ກັບການປະກາດໃຊ້ແຜນການຂອງສົກຮຽນໃຫມ່, ຂະແຫນງສຶກສາບັນດາທ້ອງຖິ່ນກໍ່ໄດ້ກະກຽມພື້ນຖານດ້ານວັດຖຸ, ອຸປະກອນ, ຫລັກສູດ,ປື້ມຕຳລາ, ຝຶກອົບຮົມລາຍການສຶກສາສາມັນໃຫມ່ໃຫ້ຖັນແຖວຄູອາຈານ.. ທ່ານ ຟຸ່ງກວັກເລິບ, ຮອງຫົວຫນ້າພະແນກສຶກສາ ແລະ ບຳລຸງສ້າງແຂວງ ຝູເທາະ ໃຫ້ຮູ້ວ່າ: ພະແນກໄດ້ຈັດສົ່ງຄະນະລົງໄປກວດກາບັນດາຮາກຖານການສຶກສາ, ມາຮອດປະຈຸບັນ ວຽກງານກະກຽມພື້ນຖານດ້ານວັດຖຸໄດ້ສຳເລັດແລ້ວ.
ຍ້ອນໂລກລະບາດໂຄວິດ - 19 ພວມຜັນແປສັບສົນ, ສະນັ້ນ ຫລາຍທ້ອງຖິ່ນໃຫ້ຮູ້ວ່າ: ເລື່ອງປະກາດໃຊ້ແຜນການກ່ຽວກັບເວລາຮຽນໃນສົກຮຽນໃຫມ່ ຫຼາຍໂຮງຮຽນແມ່ນແຕກຕ່າງກັນ ເພື່ອໃຫ້ບັນດາຮາກຖານການສຶກສາໃດມີເງື່ອນໄຂຄົບຖ້ວນກໍ່ໃຫ້ຈັດຕັ້ງການສຶກສາໂດຍກົງ,ຜັນຂະຫຍາຍປະຕິບັດ, ສ່ວນຮາກຖານໃດຍັງບໍ່ທັນມີເງື່ອນໄຂຄົບຖ້ວນ ກໍ່ໃຫ້ສ້າງແຜນການຮຽນການສອນໂດຍອີງໃສ່ເງື່ອນໄຂຕົວຈິງ.
ຕາມທ່ານ ທ໊າຍວັນແທ່ງ, ຫົວຫນ້າພະແນກສຶກສາ ແລະ ບຳລຸງສ້າງ ແຂວງ ເງະອານ ແລ້ວ, ປະຈຸບັນ ຢູ່ບໍລິເວນແຂວງ ຍັງມີບາງທ້ອງຖິ່ນປະຕິບັດການແຍກຫ່າງສັງຄົມ ສະນັ້ນ ຕ້ອງສ້າງຫລາຍແຜນການ ການຮຽນການສອນໃຫ້ເໝາະສົມກັບການຜັນແປຂອງໂລກລະບາດໂຄວິດ -19 ຢູ່ຫລາຍລະດັບແຕກຕ່າງກັນ.
“ການສິດສອນໃນປະຈຸບັນ ຕ້ອງໄປຄຽງຄູ່ກັບສອງວິທີການ ນັ້ນແມ່ນໂດຍກົງ ແລະ ອອນລາຍ. ພະແນກສຶກສາ ແລະ ບຳລຸງສ້າງຂອງແຂວງ ກໍ່ໄດ້ມອບຫນ້າທີ່ໃຫ້ໂຮງຮຽນຂັ້ນຮາກຖານມີສິດເປັນເຈົ້າການ. ເລື່ອງໄຂສົກຮຽນໃຫມ່ ແມ່ນໃຫ້ປະຕິບັດໃນວັນທີ 5 ກັນຍາ ຕາມການກຳນົດ ແຕ່ຈະປະຕິບັດໂດຍກົງ ຫລື ທາງອອນລາຍນັ້ນແມ່ນອີງຕາມເງື່ອນໄຂຕົວຈິງ. ຢູ່ບ່ອນໃດບໍ່ມີການແຜ່ລະບາດຂອງພະຍາດໂຄວິດ - 19 ແມ່ນໃຫ້ປະຕິບັດຕາມຮູບການໂດຍກົງ ຢູ່ບ່ອນໃດມີການແຜ່ລະບາດແມ່ນໃຫ້ຮຽນອອນລາຍ”ປະຈຸບັນ ຢູ່ບາງທ້ອງຖິ່ນທີ່ພວມມີການແຜ່ລະບາດຂອງພະຍາດໂຄວິດ - 19, ສະນັ້ນ ຍັງບໍ່ທັນໄດ້ປະກາດວັນເຂົ້າໂຮງຮຽນ ແລະ ໄຂສົກຮຽນໃຫມ່ເທື່ອ ຍ້ອນວ່າໂຮງຮຽນຫລາຍແຫ່ງພວມນຳໃຊ້ເຂົ້າໃນວຽກງານປ້ອງກັນ ຕ້ານໂລກລະບາດ.
(ແຫຼ່ງຄັດຈາກ VOV)
