ຂ່າວສານ

ສະພາຄວາມໝັ້ນຄົງ ສປຊ ລົງປະຊາມະຕິໂຮມກອງປະຊຸມພິເສດ ສະມັດຊາໃຫຍ່ ສປຊ

28/02/2022

ບັນດາແຫຼ່ງຂ່າວຕ່າງປະເທດໃຫ້ຮູ້ວ່າ ສະພາຄວາມໝັ້ນຄົງ ສປຊ ຄາດວ່າ ຈະໂຮມກອງປະຊຸມໃນຕອນບ່າຍວັນທີ 27 ກຸມພາ ຕາມເວລາທ້ອງຖິ່ນ ເພື່ອລົງປະຊາມະຕິຮຽກຮ້ອງດຳເນີນກອງປະຊຸມພິເສດຂອງສະມັດຊາໃຫຍ່ ສປຊ ກ່ຽວກັບການກະທຳທາງການທະຫານຂອງ ລັດເຊຍ ຢູ່ ຢູແກຼນ.

ກອງປະຊຸມຂອງສະພາຄວາມໝັ້ນຄົງ ສປຊ (ພາບ: AFP/TTXVN)

ຕາມຂໍ້ກຳນົດແລ້ວ, ມະຕິຈະຕ້ອງການໄດ້ຮັບການສະໜັບສະໜູນຂອງພຽງແຕ່ 9 ໃນຈຳນວນ 15 ປະເທດກຳມະການຂອງສະພາຄວາມໝັ້ນຄົງ ສປຊ ເພື່ອຮັບຮອງເອົາ ແລະ ບໍ່ມີປະເທດກຳມະການຖາວອນໃດມີສິດປະຕິເສດ ການໂຮມກອງປະຊຸມພິເສດຂອງ ສະມັດຊາໃຫຍ່. ຄາດວ່າ, ກອງປະຊຸມສະພາຄວາມໝັ້ນຄົງ ສປຊ ຈະດຳເນີນໃນຕອນເວລາ 3 ໂມງແລງຂອງວັນທີ 27 ກຸມພາ, ຕາມຄຳຮຽກຮ້ອງຂອງ ອາເມລິກາ ແລະ ອານບານີ. ຖ້າຫາກວ່າ ສະພາຄວາມໝັ້ນຄົງ ສປຊ ຮັບຮອງເອົາມະຕິສະບັບນີ້, ຕາມຂໍ້ກຳນົດ, ກອງປະຊຸມສະມັດຊາໃຫຍ່ ສປຊ ຈະຕ້ອງຈັດຂຶ້ນໃນຮອບເວລາ 24 ຊົ່ວໂມງ.

(ແຫຼ່ງຄັດຈາກ VOV)

ນາຍົກລັດຖະມົນຕີ ຟ້າມມິງຈິງ ແລະ ບັນດາການນຳ ອາຊຽນ ເຂົ້າຮ່ວມກອງປະຊຸມສຸດຍອດ ອາຊຽນ - ຈີນ ຄັ້ງທີ 28

29/10/2025
ຂ່າວສານ

ໂດຍສືບຕໍ່ບັນດາການເຄື່ອນໄຫວໃນຂອບເຂດກອງປະຊຸມສຸດຍອດ ອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ, ຕອນເຊົ້າວັນທີ 28 ຕຸລາ, ຢູ່ ກົວລາ ລຳເປີ ປະເທດ ມາເລເຊຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ພ້ອມດ້ວຍບັນດາການນຳ ອາຊຽນ ແລະ ທ່ານນາຍົກລັດຖະມົນຕີ ຈີນ ຫຼີຊຽນ ໄດ້ເຂົ້າຮ່ວມກອງປະຊຸມສຸດຍອດ ອາຊຽນ - ຈີນ ຄັ້ງທີ 28.