ພິທີປຸກລະດົມບັນດາລາຍການກະຕຸ້ນຄວາມຕ້ອງການບໍລິໂພກພາຍໃນປະເທດ ແລະ ເດືອນ ຫຼຸດລາຄາບໍລິການ ແຫ່ງຊາດ 2020 (ພາບ: TTXVN)

ລາຍການກະຕຸ້ນຄວາມຕ້ອງການບໍລິໂພກພາຍໃນປະເທດປີ 2020 ຂອງກະຊວງອຸດສາຫະກໍາ ແລະ ການຄ້າ ຫວຽດນາມ ຖືກຈັດຂຶ້ນໃນວັນທີ 01 ກໍລະກົດ ຜ່ານກິດຈະກໍາຈໍານວນໜຶ່ງທີ່ໄດ້ສົມທົບກັບບັນດາແຜນຮ່າງ, ໂຄງການແຫ່ງຊາດ ດ້ວຍບັນດາການເຄື່ອນໄຫວທີ່ອຸດົມສົມບູນຄື: ເດືອນ ຫຼຸດລາຄາບໍລິການ ແຫ່ງຊາດ 2020 ແມ່ນດໍາເນີນແຕ່ວັນທີ 01 – 31 ກໍລະກົດ, ໄປຄຽງຄູ່ກັນນັ້ນ ແມ່ນການເຄື່ອນໄຫວທີ່ເປັນມູນເຊື້ອ, ການໂຄສະນາສິນຄ້າຫວຽດນາມ, ໂດຍສະເພາະແມ່ນບັນດາຜະລິດຕະພັນປອດສານພິດ, ການເຊື່ອມຕໍ່ໂດຍກົງລະຫວ່າງຫົວໜ່ວຍຜະລິດ ແລະ ບໍລິສັດຈໍາໜ່າຍ ກັບ ຜູ້ບໍລິໂພກ, ສ້າງສະຖານທີ່ວາງສະແດງແນະນໍາ ແລະ ວາງຂາຍຜະລິດຕະພັນ OCOP ທີ່ເປັນເອກະລັກສະເພາະຂອງເຂດ, ພາກ. ທ່ານ ໂດ໊ທັ໊ງຫ໋າຍ, ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ ຫວຽດນາມ ເນັ້ນໜັກວ່າ:

        “ກະຊວງອຸດສາຫະກໍາ ແລະ ການຄ້າ ເຊື່ອໝັ້ນວ່າ ດ້ວຍການຕອບສະໜອງຂອງທ້ອງຖິ່ນຕ່າງໆ, ບັນດາສະຫະສະມາຄົມຂະແໜງສິນຄ້າຂອງບັນດາວິສາຫະກິດ, ໂດຍສະເພາະແມ່ນຜູ້ບໍລິໂພກຫວຽດນາມນັບສິບລ້ານຄົນ ພ້ອມກັບບັນດາການເຄື່ອນໄຫວຫຼັກຂອງລາຍການກະຕຸ້ນຄວາມຕ້ອງການບໍລິໂພກພາຍໃນປະເທດ, ນີ້ຈະແມ່ນໄມ້ງັດກະຕຸ້ນຄວາມຕ້ອງການບໍລິໂພກພາຍໃນປະເທດທີ່ມີປະສິດທິຜົນ, ຊຸກຍູ້ການເຕີບໂຕຂອງການຈໍລະຈອນສິນຄ້າ ແລະ ລາຍຮັບຈາກການບໍລິການໃນທົ່ວປະເທດ, ຊ່ວຍບັນດາວິສາຫະກິດຟື້ນຟູ, ຍູ້ແຮງບັນດາການເຄື່ອນໄຫວຜະລິດ, ດໍາເນີນທຸລະກິດ, ປະກອບສ່ວນຟື້ນຟູພັດທະນາເສດຖະກິດຂອງປະເທດ ແລະ ຍູ້ແຮງການຂົນຂວາຍ ຊາວຫວຽດນາມໃຫ້ບຸລິມະສິດຊົມໃຊ້ສິນຄ້າຂອງຫວຽດນາມ”.

(ແຫຼ່ງຄັດຈາກ VOV)