ຂ່າວສານ
ພິທີເປີດຕົວ ແລະ ມອບໜ້າທີ່ໃຫ້ແກ່ໂຮງໝໍກາງສະໜາມ ລະດັບ 2 ເລກ 3 ເຂົ້າຮ່ວມການຮັກສາສັນຕິພາບຢູ່ ຊູດັງໃຕ້
ທ່ານພົນໂທ ຫງວຽນຈີ໊ວິ້ງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ມອບຂໍ້ຕົກລົງ
ສ້າງໂຮງໝໍກາງສະໜາມລະດັບ 2 ເລກ 3 (ພາບ: qdnd.vn)
ຕອນເຊົ້າວັນທີ 04 ມີນາ, ຢູ່ໂຮງໝໍສູນກາງກອງທັບ 175 (ນະຄອນໂຮ່ຈີມິນ), ທ່ານພົນໂທ ຫງວຽນຈີ໊ວິ້ງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ, ຫົວໜ້າຄະນະຊີ້ນໍາກະຊວງປ້ອງກັນປະເທດ ກ່ຽວກັບການເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ, ໄດ້ມອບຂໍ້ຕົກລົງສ້າງໂຮງໝໍກາງສະໜາມລະດັບ 2 ເລກ 3 ຂອງກະຊວງປ້ອງກັນປະເທດ ພ້ອມທັງມອບໜ້າທີ່ໃຫ້ແກ່ໂຮງໝໍດັ່ງກ່າວ ໄປເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ຢູ່ ຊູດັງໃຕ້.
ຕາມຂໍ້ຕົກລົງຂອງກະຊວງປ້ອງກັນປະເທດແລ້ວ, ໂຮງໝໍກາງສະໜາມ ລະດັບ 2 ເລກ 3 ແມ່ນສັງກັດ ໂຮງໝໍສູນກາງກອງທັບ 175, ເພື່ອເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ.ກ່າວຄໍາເຫັນທີ່ພິທີ, ທ່ານນາງ Axelle Nicaise, ຮອງເອກອັກຄະລັດຖະທູດ ສະຫະພາບເອີຣົບ ປະຈໍາ ຫວຽດນາມ ໄດ້ຕີລາຄາສູງບັນດາໝາກຜົນຕັ້ງໜ້າ ເຊິ່ງກໍາລັງຮັກສາສັນຕິພາບ ຫວຽດນາມ ບັນລຸໄດ້ໃນໄລຍະຜ່ານມາ; ພ້ອມທັງຢັ້ງຢືນວ່າ ອີຢູ ຍາມໃດກໍພ້ອມແລ້ວທີ່ຈະສະໜັບສະໜູນ, ໜູນຊ່ວຍຫວຽດນາມໃນບັນດາການເຄື່ອນໄຫວຮັກສາສັນຕິພາບ.
(ແຫຼ່ງຄັດຈາກ VOV)
