ທ່ານ ຫວູຮົ່ງນາມ ເອກອັກຄະລັດຖະທູດ ຫວຽດນາມ ປະຈຳ ຍີ່ປຸ່ນ ໄດ້ຕີລາຄາສູງຈິດໃຈຮັກແພງກັນ, ຊ່ວຍເຫຼືອ ເຊິ່ງກັນ ແລະ ກັນ ຂອງປະຊາຄົມ ຊາວຫວຽດນາມ ອາໄສຢູ່ ຍີ່ປຸ່ນ ກໍ່ຄືຄວາມມານະພະຍາຍາມຂອງບັນດາອົງການຕາງໜ້າ ຫວຽດນາມ ປະຈຳຍີ່ປຸ່ນ ພາຍຫຼັງໂລກລະບາດໂຄວິດ - 19 ເກີດຂຶ້ນ. ທ່ານກໍ່ຮຽກຮ້ອງໃຫ້ບັນດາພະນັກງານ, ພາລະກອນຂອງສະຖານທູດ ແລະ ບັນດາອົງການຕາງໜ້າອື່ນໆຂອງ ຫວຽດນາມ ປະຈຳ ຍີ່ປຸ່ນ ຈົ່ງສືບຕໍ່ມານະພະຍາຍາມໃນປີ 2021 ເພື່ອປະຕິບັດສຳເລັດບັນດາໜ້າທີ່ທີ່ໄດ້ມອບໝາຍ. ປະກອບສ່ວນເຂົ້າໃນການພັດທະນາການພົວພັນຄູ່ຮ່ວມມືຍຸດທະສາດລະຫວ່າງ ສອງປະເທດ ຢ່າງເລິກເຊິ່ງກ້ວາງຂວາງ.
ໂດຍເຈືອຈານເຂົ້າກັບບັນຍາກາດ ສົ່ງທ້າຍປີເກົ່າຕ້ອນຮັບປີໃໝ່ ກັບພໍ່ແມ່ປະຊາຊົນໃນທົ່ວປະເທດ, ຄ່ຳຄືນວັນທີ 11 ກຸ່ມພາ (ກົງກັບວັນທີ 30 ບຸນເຕັດ), ພໍ່ແມ່ປະຊາຊົນ ຊາວຫວຽດນາມ ເປັນຈຳນວນຫຼາຍ ທີ່ພວມດຳລົງຊີວິດ ແລະ ເຮັດວຽກຢູ່ ລາວ ໄດ້ໄປຍັງບັນດາວັດຂອງຄົນຫວຽດ ຢູ່ນະຄອນຫຼວງວຽງຈັນ ເພື່ອຕ້ອນຮັບປີໃໝ່, ພາວະນາຂໍໃຫ້ມີການຢູ່ເຢັນເປັນສຸກ, ປະເທດ ຫວຽດນາມ ພາຍໃຕ້ການຊີ້ນຳນຳພາຂອງພັກ, ສືບຕໍ່ບັນລຸໄດ້ໄຊຊະນະຫຼາຍຢ່າງໃນທຸກຂົງເຂດຄື ເສດຖະກິດ - ສັງຄົມ, ການປ້ອງກັນຊາດ, ປ້ອງກັນຄວາມສະຫງົບ, ຍົກສູງທີ່ຕັ້ງບົດບາດຂອງປະເທດໃນເວທີສາກົນ.
(ແຫຼ່ງຄັດຈາກ VOV)
