ຂ່າວສານ

ປະທານາທິບໍດີ ອາເມລິກາ ພ້ອມແລ້ວທີ່ຈະພົບປະຄືນໃໝ່ກັບການນຳ ສປປ.ເກົາຫຼີ

12/03/2019

ທ່ານປະທານາທິບໍດີ ອາເມລິກາ Donald Trump ພວມຊັ່ງຊາກໍລະນີຈັດຕັ້ງກອງປະຊຸມສຸດຍອດຄັ້ງທີ 3 ກັບການນຳ ສປປ.ເກົາຫຼີ Kim Jong-un.

ທ່ານປະທານາທິບໍດີ ອາເມລິກາ Donald Trump ພົບປະກັບການນຳ ສປປ.ເກົາຫຼີ Kim Jong-un ຢູ່ ຮ່າໂນ້ຍ (ພາບ: TTXVN)

ວັນທີ 10 ມີນາ, ທ່ານ John Bolton ທີ່ປຶກສາຄວາມໝັ້ນຄົງແຫ່ງຊາດ ອາເມລິກາ ໃຫ້ຮູ້ວ່າ: ທ່ານປະທານາທິບໍດີ ອາເມລິກາ Donald Trump ພວມຊັ່ງຊາກໍລະນີຈັດຕັ້ງກອງປະຊຸມສຸດຍອດຄັ້ງທີ 3 ກັບການນຳ ສປປ.ເກົາຫຼີ Kim Jong-un, ແຕ່ຍັງບໍ່ທັນກຳນົດວັນເວລາເທື່ອ.

ທ່ານ John Bolton ເວົ້າວ່າ: ອາເມລິກາ ບໍ່ລະເມີເຟີ້ຝັນກ່ຽວກັບບັນດາກຳລັງຄວາມສາມາດຂອງ ສປປ.ເກົາຫຼີ, ແຕ່ທ່ານປະທານາທິບໍດີ Donald Trump ຍັງເຊື່ອໝັ້ນຕໍ່ການພົວພັນລະຫວ່າງທ່ານກັບການນຳ Kim Jong-un. ຕາມທ່ານ John Bolton ແລ້ວ, ທ່ານປະທານາທິບໍດີ Donald Trump ພ້ອມແລ້ວທີ່ຈະເຂົ້າຮ່ວມກອງປະຊຸມສຸດຍອດຄັ້ງທີ 3 ຍ້ອນວ່າ ທ່ານ Donald Trump ຖືວ່າ: ແງ່ຫວັງສ້າງແຫຼມ ເກົາຫຼີ ປອດນິວເຄຼຍ ບໍ່ແມ່ນສິ່ງທຳມະດາ.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.