ຕອນບ່າຍວັນທີ 26 ພຶດສະພາ, ຢູ່ ຫໍສະພາແຫ່ງຊາດ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ໄດ້ຕ້ອນຮັບຄະນະສະມາຊິກສະພາແຫ່ງຊາດ ອາເມລິກາ, ໂດຍທ່ານສະມາຊິກສະພາສູງ Mike Carpo ເປັນຫົວໜ້າຄະນະ, ທີ່ພວມຢ້ຽມຢາມ ແລະ ເຮັດວຽກຢູ່ ຫວຽດນາມ.
ທີ່ການຕ້ອນຮັບ, ທ່ານປະທານສະພາແຫ່ງຊາດ ເວືອງດິ່ງເຫວະ ແລະ ບັນດາສະມາຊິກສະພາສູງ ອາເມລິກາ ໄດ້ແລກປ່ຽນ ແລະ ເຫັນດີເປັນເອກະພາບສູງໃນຫຼາຍບັນຫາ, ໃນນັ້ນ ການຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມສືບຕໍ່ແມ່ນຈຸດເດັ່ນໃນການພົວພັນລະຫວ່າງ 2 ປະເທດ.
ທ່ານປະທານສະພາແຫ່ງຊາດ ເວືອງດິ່ງເຫວະ ສະເໜີໃຫ້ສະພາແຫ່ງຊາດ ອາເມລິກາ ສືບຕໍ່ສະໜັບສະໜູນຮັກສາການພົວພັນດ້ານການຄ້າໃຫ້ເປັນປົກກະຕິ, ຍາວນານລະຫວ່າງ 2 ປະເທດ; ສືບຕໍ່ສ້າງຄວາມສະດວກໃຫ້ແກ່ຜະລິດຕະພັນກະເສດຂອງ ຫວຽດນາມ, ຄື: ປາຈາ, ກຸ້ງ, ການນຳເຂົ້າໝາກໄມ້; ສະເໜີໃຫ້ ອາເມລິກາ ຮັບຮອງຂໍ້ກຳນົດເສດຖະກິດການຕະຫຼາດຂອງ ຫວຽດນາມ. ທ່ານປະທານສະແຫ່ງຊາດຊົມເຊີຍເລື່ອງ 2 ຝ່າຍໄດ້ສົມທົບກັນໃນຂອບເຂດປຶກສາຫາລືກ່ຽວກັບຂໍ້ລິເລີ່ມໃນຂອບເຂດເສດຖະກິດ ອິນເດຍ - ປາຊີຟິກ (IPEF).
ສ່ວນທ່ານສະມາຊິກສະພາສູງ Mike Carpo ໃຫ້ຮູ້ວ່າ, ຈະສົ່ງສານຂອງທ່ານປະທານສະພາແຫ່ງຊາດ ຫວຽດນາມ ເຖິງບັນດາການນຳຂັ້ນສູງ ອາເມລິກາ ເມື່ອເຕື້ອງເຖິງເລື່ອງສືບຕໍ່ເຂົ້າການເຂົ້າຮ່ວມຂອງ ອາເມລິກາ ໃນການຮັບປະກັນການສຳຜັດກັບຕະຫຼາດ ແລະ ເຈລະຈາບັນດາສັນຍາການຄ້າເສລີ, ຄື: ສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP), ບັນດາສັນຍາການຄ້າ 2 ຝ່າຍ…
