ຕອນຄ່ຳວັນທີ 24 ມີນາ, ຄະນະຊາວໜູ່ມນະຄອນໂຮ່ຈິມິນ ໄດ້ຈັດພິທີສະເຫຼີມສະຫຼອງ 88 ປີ ແຫ່ງວັນສ້າງຕັ້ງຄະນະຊາວໜູ່ມກອມມູນິດ ໂຮ່ຈິມິນ (26 ມີນາ 1931 – 26 ມີນາ 2019), ພ້ອມທັງມອບລາງວັນ ໂຮ່ຮ່າວເຮີ໊ນ.
ອ້າຍ ຮິ່ວງງວຽນຮ່າ ເລຂາຄະນະຊາວໜູ່ມ ໄຊງ່ອນ Co.op, ຊຶ່ງເປັນຫົວໜ່ວຍທີ່ໄດ້ຮັບການສັນລະເສີນດ້ວຍຮູບແບບ “ ທີມງານຂາຍເຄື່ອງແບບເຄື່ອນທີ່” ໃຫ້ຮູ້ວ່າ:
“ໜຶ່ງໃນບັນດາປະສິດທິຜົນອັນໃຫຍ່ຫຼວງຂອງຮູບແບບນີ້ແມ່ນນຳສິນຄ້າທີ່ມີຄຸນນະພາບມາໃຫ້ຜູ້ຊົມໃຊ້ຢູ່ເຂດຫ່າງໄກສອກຫຼີກ. ໃນໄລຍະຈະມາເຖິງພວກເຮົາຈະປະຕິບັດໂຄງການດັ່ງກ່າວຢູ່ເກາະພາກເໜືອ. ໂຄງການຂາຍເຄື່ອງແບບເຄື່ອນທີ່ໄດ້ກາຍເປັນຈຸດຕັ້ງໜ້າຂອງພື້ນຖານຄະນະຊາວໜຸ່ມ ໄຊງ່ອນ Co.op, ເພື່ອສະແດງໃຫ້ເຫັນກຳລັງແຮງຂອງຊາວໜຸ່ມ”.
ກໍ່ໃນວັນດຽວກັນ, ວັນຄະນະຊາວໜຸ່ມ ປີ 2019 ດ້ວຍຫົວຂໍ້ວ່າ “ວັນເຮັດວຽກດີ” ໄດ້ຈັດຂຶ້ນຢູ່ສະຖານທີ່ຕ່າງໆໃນບໍລິເວນນະຄອນດ້ວຍບັນດາກິດຈະກຳອັນແທດຈິງຄື: ການໂຄສະນາປົກປັກຮັກສາສິ່ງແວດລ້ອມ, ການພົບປະແລກປ່ຽນກັບຕົວພະຍານປະຫວັດສາດ, ບັນດາການເຄື່ອນໄຫວເພື່ອຕອບສະໜອງການສະເຫຼີມສະຫຼອງ 50 ປີແຫ່ງວັນປະຕິບັດຄຳພິໄນກຳຂອງປະທານ ໂຮ່ຈິມິນ.
ແລະກໍ່ໃນວັນ 24 ມີນາ ຢູ່ນະຄອນ ດ່າລາດ, ຫວຽດຈີ່, ອຽນບ໊າຍ ກໍ່ໄດ້ຈັດຕັ້ງບັນດາການເຄື່ອນໄຫວສະເຫຼີມສະຫຼອງວັນສ້າງຕັ້ງຄະນະຊາວໜຸ່ມກອມມູນິດ ໂຮ່ຈິມິນ.
(ແຫຼ່ງຄັດຈາກ VOV)
