ແຂວງຟູ໋ອຽນ ມີກວ່າ 11.000 ຄົນ ຖືກຕິດທາດພິດສີສົ້ມ/ດີໂອຊີນ
(ພາບປະກອບ: baophuyen.com.vn)
ໃນວັນທີ 10/8, ແຂວງ, ນະຄອນ ຫຼາຍແຫ່ງ ໃນທົ່ວປະເທດ ໄດ້ຈັດບັນດາການເຄື່ອນໄຫວລະນຶກ 55 ປີ ແຫ່ງວັນວິນາດສະກຳທາດພິດສີສົ້ມ/ດີໂອຊີນ (10/8/1961-10/82016).(ພາບປະກອບ: baophuyen.com.vn)
ແຂວງຟູ໋ອຽນ ມີກວ່າ 11.000 ຄົນ ຖືກຕິດທາດພິດສີສົ້ມ/ດີໂອຊີນ. ເພື່ອຊ່ວຍເຫຼືອ, ລະດົມກຳລັງໃຈບັນດາຄອບຄົວ ແລະ ຜູ້ປະສົບຮ້າຍຈາກທາດພິດສີສົມ/ດີໂອຊີນ ຜ່ານຜ່າຄວາມເຈັບປວດ, ຄວາມຫຍຸ້ງຍາກໃນຊີວິດການເປັນຢູ່, ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊີນ ແຂວງຟູ໋ອຽນ ລະດົມ ໄດ້ກວ່າ 15 ຕື້ດົ່ງ ຮັບໃຊ້ເຄື່ອນໄຫວການເບິ່ງແຍງດູແລ, ຊ່ວຍເຫຼືອ, ເຊັ່ນ: ກໍ່ສ້າງ ແລະ ສ້ອມແປງເຮືອນຢູ່; ຢື້ຢາມຖາມຂ່າວ ບັນດາຜູ້ປະສົບເຄາະຮ້າຍຈາກທາດພິດສີສົ້ມ.
ໃນໂອກາດລະນຶກ 55 ປີ ແຫ່ງວັນວິນາດສະກຳທາດພິດສີສົ້ມ/ດີໂອຊີນ ຢູ່ຫວຽດນາມ, ແຂວງຕຽນຢາງ ໄດ້ຈັດຕັ້ງການຢື້ຢາມຖາມຂ່າວ, ມອບຂອງຂວັນ ໃຫ້ບັນດາຜູ້ປະສົບເຄາະຮ້າຍຈາກທາດພິດສີສົ້ມ /ດີໂອຊີນ ທີ່ປະສົບກັບຫຍຸ້ງຍາກເປັນພິເສດ. ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊີນ ແຂວງຕຽນຢາງ ກໍ່ໄດ້ກຳນົດສອງໜ້າທີ່ສຳຄັນ ໃນໄລຍະ 2016-2020 ແມ່ນຈະສືບຕໍ່ລະດົມບັນດາແຫຼ່ງກຳລັງຈາກສັງຄົມໃຫ້ດີ ເພື່ອເບິ່ງແຍງດູແລຜູ້ປະສົບເຄາະຮ້າຍ ແລະ ຕັ້ງໜ້າເຂົ້າຮ່ວມການຕໍ່ສູ້ທວງເອົາຄວາມຍຸດຕິທຳ ໃຫ້ຜູ້ປະສົບເຄາະຮ້າຍ.
ຕອນຄ່ຳ ວັນທີ 10/8, ຢູ່ນະຄອນດົງເຮີຍ, ໄດ້ດຳເນີນລາຍການ ເຊີດຊູບັນດາແບບຢ່າງດີເດັ່ນໃນຂະບວນການ “ຮ່ວມແຮງຮ່ວມໃຈບັນເທົາຄວາມເຈັບປວດໃຫ້ຜູ້ປະສົບເຄາະຮ້າຍຈາກທາດພິສີສົ້ມ”. ໃນໂອກາດນີ້, ທ່ານ ຫງວຽນກ້ວກຈິ້, ປະທານສະມາຄົມຜູ້ປະສົບເຄາະຮ້າຍຈາກທິດພິດສີສົ້ມ/ດີໂອຊີນ ແຂວງກວາງບິ່ງ ຮຽກຮ້ອງບັນຜູ້ໃຈບຸນ, ປະຊາຄົມສັງຄົມ… ສືບຕໍ່ຮ່ວມຮ່ວມແຮງຮ່ວມໃຈ ບັນເທົາຄວາມເຈັບປວດໃຫ້ຜູ້ປະສົບເຄາະຮ້າຍຈາກທາດພິສີສົ້ມ.
(ແຫຼ່ງຄັດຈາກ VOV)
