ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກ່າວຄຳເຫັນທີ່ກອງປະຊຸມ (ພາບ: TTXVN)

ໃນຂອບເຂດກອງປະຊຸມຄັ້ງທີ 47 ຂອງ ຄະນະກຳມະການຮ່ວມມືທະວິພາຄີ ຫວຽດນາມ - ລາວ, ຕອນບ່າຍວັນທີ 9 ມັງກອນ, ຢູ່ນະຄອນຫຼວງ ວຽງຈັນ (ລາວ), ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານນາຍົກລັດຖະມົນຕີ ລາວ ສອນໄຊ ສີພັນດອນ ໄດ້ເປັນປະທານຮ່ວມືກອງປະຊຸມຮ່ວມມືລົງທຶນ ຫວຽດນາມ - ລາວ 2025 ດ້ວຍຫົວຂໍ້ “ຊຸກຍູ້ພ້ອມກັນພັດທະນາແບບຍືນຍົງ ແລະ ວັດທະນາຖາວອນ”.

ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ເນັ້ນໜັກວ່າ ສອງປະເທໄດ້ສາມັກຄີເປັນເອກະພາບກັນແລ້ວ ຍິ່ງຕ້ອງມີຄວາມສາມັກຄີ ແລະ ເປັນເອກະພາບກັນຫຼາຍກ່ວາອີກ, ບັນດາວິສາຫະກິດສອງປະເທດກໍ່ຄືກັນ, ຕ້ອງສາມັກຄີກັນເພື່ອການພັດທະນາລວມຂອງສອງປະເທດ, ຕ້ອງຖືຜົນປະໂຫຍດຂອງສອງປະເທດເໜືອກ່ວາສິ່ງໃດໝົດ. ປະຕິບັດເພື່ອການພັດທນະລວມຂອງສອງປະເທດ, ເພື່ອການສະແດງຄວາມຮູ້ບຸນຄຸນຄໍ່ບັນດາຜູ້ຄົນທີ່ເສຍສະຫຼະຊີວິດເພື່ອເອກະລາດ, ເສລີພາບ ໃຫ້ແກ່ທັງສອງປະເທດ.

ສ່ວນທ່ານ ສອນໄຊ ສີພັນດອນ ໃຫ້ຮູ້ວ່າ ໃນໄລຍະຈະມາເຖິງສອງຝ່າຍຈະສືບຕໍ່ແກ້ໄຂບັນດາຂໍ້ຕິດຂັດ ແລະ ຜັນຂະຫຍາຍບັນດາໂຄງການ. ທ່ານນາຍົກລັດຖະມົນຕີ ສອນໄຊ ສີພັນດອນ ປາດຖະໜາຢາກ ວິສາຫະກິດສອງປະເທດສືບຕໍ່ລົງທຶນຜະລິດດຳເນີນທຸລະກິດຢູ່ ລາວ ແລະ ຫວຽດນາມ, ເສີມຂະຫຍາຍຄວາມສາມາດບົ່ມຊ້ອນຂອງທັງສອງຝ່າຍເພື່ອນຳຄວາມອີ່ມໜຳສຳລາມສົມບູນພູມສຸກມາໃຫ້ປະຊາຊົນແຕ່ລະປະເທດ.