ຂ່າວສານ
ນະຄອນຫຼວງຄວນຍູ້ແຮງຂະບວນການແຂ່ງຂັນ, ປະກອບສ່ວນປະຕິບັດສຳເລັດບັນດາເປົ້າໝາຍພັດທະນາເສດຖະກິດ ສັງຄົມ
ທ່ານຫງວຽນຊວັນຟຸກ ນາຍົກລັດຖະມົນຕີຫວຽດນາມກ່າວຄຳເຫັນທີ່ກອງປະຊຸມໃຫຍ່ (ພາບ: VGP)
ກ່າວຄຳເຫັນທີ່ກອງປະຊຸມ, ທ່ານ ຫງວຽນຊວັນຟຸກ ໄດ້ຮັບຮູ້ວ່າ ໃນໄລຍະຜ່ານມາ ອົງຄະນະພັກ, ອຳນາດການປົກຄອງ ແລະ ປະຊາຊົນນະຄອນຫຼວງໄດ້ເສີມຂະຫຍາຍມູນເຊື້ອອະລິຍະທຳ ແລະ ວິລະຊົນຢ່າງບໍ່ຢຸດຢັ້ງ, ມານະພະຍາຍາມແຂ່ງຂັນ, ສູ້ຊົນປະຕິບັດບັນດາໜ້າທີ່ດ້ານການເມືອງ, ຄາດໝາຍເສດຖະກິດສັງຄົມໃນແຕ່ລະປີ ແລະ ໄລຍະ 2015 – 2020ໄດ້ຢ່າງມີໄຊ, ປະກອບສ່ວນຢ່າງເໝາະສົມຕໍ່ພາລະກິດຫັນນະຄອນຫຼວງ ແລະ ທົ່ວປະເທດເປັນອຸດສາຫະກຳ ແລະ ທັນສະໄໝ. ທ່ານກ່າວວ່າ:
ວຽກງານແຂ່ງຂັນຕ້ອງຕິດແທດກັບໜ້າທີ່ການເມືອງ, ປະຕິບັດເປົ້າໝາຍ, ໜ້າທີ່ພັດທະນາເສດຖະກິດສັງຄົມຂອງນະຄອນ. ຂະບວນການແຂ່ງຂັນຕ້ອງສ້າງກຳລັງໜູນປະກອບສ່ວນແກ້ໄຂໜ້າທີ່ແຜນການວຽກງານຂອງແຕ່ລະພະແນກ, ຂະແໜງການ ແລະ ແຕ່ລະທ້ອງຖິ່ນໃຫ້ເປັນຢ່າງດີ, ໃນນັ້ນສຸມໃສ່ຂົງເຂດ, ໜ໊າທີ່ຢ່າງລະອຽດ, ແທດຈິງ, ສາມາດປຸກລະດົມບັນດາພະນັກງານສະມາຊິກພັກ ແລະ ມວນຊົນໄດ້ເປັນຈຳນວນຫຼວງຫຼາຍເພື່ອຕອບສະໜອງ, ເຂົ້າຮ່ວມການປະຕິບັດ.
(ແຫຼ່ງຄັດຈາກ VOV)
