ຕອນເຊົ້າວັນທີ 9 ມີນາ, ໂຮງໝໍແທັງຍ່ານ ແມ່ນຮາກຖານສາທາລະນະສຸກແຫ່ງທຳອິດ ຂຶ້ນກັບພະແນກສາທາລະນະສຸກ ນະຄອນ ຮ່າໂນ້ຍ ໄດ້ຜັນຂະຫຍາຍການສັກວັກຊິນກັນພະຍາດໂຄວິດ - 19 ງວດທຳອິດ ໃຫ້ແກ່ກຸ່ມພະນັກງານ, ແພດໝໍ ທີ່ມີຄວາມສ່ຽງສູງຕໍ່ການຕິດເຊື້ອ. ວັກຊິນທີ່ໄດ້ນຳໃຊ້ໃນຄັ້ງນີ້ ແມ່ນວັກຊິນ Astra Genneca ໂດຍກະຊວງສາທາລະນະສຸກ ຫວຽດນາມ ແຈກຢາຍໃຫ້. ໃນງວດທໍາອິດນີ້, ຮ່າໂນ້ຍ ໄດ້ຮັບວັກຊິນກວ່າ 8000 ໂດສ ແລະ ໃຫ້ບຸລິມະສິດແກ່ 6 ຮາກຖານສາທາລະນະສຸກທີ່ມີຄວາມສ່ຽງສູງຕໍ່ການຕິດເຊື້ອພະຍາດໂຄວິດ - 19. ທ່ານ ຈື໋ຊວັນຢຸງ, ຮອງປະທານ ຄະນະກຳມະການປະຊາຊົນນະຄອນ ຮ່າໂນ້ຍ ໃຫ້ຮູ້ວ່າ:
“ພວກຂ້າພະເຈົ້າໄດ້ຊີ້ນຳໃຫ້ຂະແໜງສາທາລະນະສຸກ ຜັນຂະຫຍາຍບັ້ນສັກວັກຊິນຕາມທິດເປີດເຜີຍໂປ່ງໃສ, ພິເສດ ຕ້ອງຮັບປະກັນປະສິດທິຜົນ ແລະ ຄວາມປອດໄພ. ຂະແໜງສາທາລະນະສຸກນະຄອນ ກໍໄດ້ຊາບຊຶມຜັນຂະຫຍາຍຢ່າງມີແບບມີແຜນ, ບໍ່ປະໃຫ້ເກີດກໍລະນີບໍ່ດັ່ງຫວັງ.”
ໃນວັນດຽວກັນ, ແຂວງ ຢາລາຍ ກໍໄດ້ຈັດຕັ້ງການສັກວັກຊິນກັນພະຍາດໂຄວິດ - 19 ຈຳນວນ 61 ໂດສ ທຳອິດ ໃນຈຳນວນ 1900 ໂດສ ທີ່ກະຊວງສາທາລະນະສຸກ ແຈກຢາຍໃຫ້ ເຊັ່ນດຽວກັນ.
(ແຫຼ່ງຄັດຈາກ VOV)
