ຂ່າວສານ
ທ່ານເລຂາທິການໃຫຍ່, ປະທານປະເທດ ໂຕເລິມ ແບ່ງປັນສາມສານຢູ່ສະຖາບັນການຕ່າງປະເທດ ລາຊະອານາຈັກ Egmont ( ລາຊະອານາຈັກ ແບນຊິກ)
ໃນຂອບເຂດການຢ້ຽມຢາມລາຊະອານາຈັກ ແບນຊິກຢ່າງເປັນທາງການ, ຕອນບ່າຍວັນທີ 23 ຕຸລາ (ຕາມເວລາທ້ອງຖິ່ນ),ຢູ່ສະຖາບັນການພົວພັນສາກົນ ລາຊະອານາຈັກ Egmont ( ນະຄອນຫຼວງ Brussels), ທ່ານເລຂາທິການໃຫຍ່, ປະທານປະເທດ ໂຕເລິມ ໄດ້ມີບົດກ່າວປາໄສກ່ຽວກັບນະໂຍບາຍ: “ຫັນວິໄສທັດກາຍເປັນການກະທຳຈາກຄວາມຕັດສິນໃຈດ້ານການເມືອງຈົນຮອດແບບຢ່າງທີ່ດີເດັ່ນໃນການຮ່ວມມື”.
ໃນບົດກ່າວປາໄສ, ທ່ານເລຂາທິການໃຫຍ່, ປະທານປະເທດ ໂຕເລິມ ໄດ້ແບ່ງປັນສາມສານໃຫຍ່, ລວມມີ: ທີໜຶ່ງ, ຮັບຮູ້ການຫັນປ່ຽນຍຸດທະສາດຍຸກສະໄໝ - ໄລຍະຫັນປ່ຽນຢ່າງເລິກເຊິ່ງ, ໄພນາບຂູ່ແຕ່ລະພາກສ່ວນແຕ່ກໍ່ເປີດກວ້າງບັນດາກາລະໂອກາດໃໝ່, ບ່ອນສະຫະພາບ ເອີລົບ (EU) ສືບຕໍ່ສວມບົບບາດເປັນໃຈກາງ, ນຳໜ້າ. ທີສອງ, ຄວາມຄ້າຍຄືກັນນັບມື້ນັບເພີ່ມຂຶ້ນກ່ຽວກັບວິໄສທັດ, ຄຸນຄ່າ ແລະ ຈິນຕະນາການ “ເປັນເຈົ້າຍຸດທະສາດ” ລະຫວ່າງ ຫວຽດນາມ ແລະ EU - ພື້ນຖານອັນໝັ້ນແກ່ນເພື່ອໃຫ້ສອງຝ່າຍພ້ອມກັນກ້າວເດີນໄກກວ່າ. ທີສາມ, ບັນດາທິດທາງຍຸດທະສາດບຸກທະລຸໃນການພົວພັນ ຫວຽດນາມ EU, ໃນນັ້ນ, ການພົວພັນຫວຽດນາມ - ແບນຊິກແມ່ນກຳລັງໜູນ ແລະ ພະຍານຫຼັກການທີ່ມີຊີວິດຊີວາທີ່ສຸດ.
ຕາມທ່ານເລຂາທິການໃຫຍ່, ປະທານປະເທດ ໂຕເລິມແລ້ວ, ບັນດາປະເທດພວມດຳລົງຊີວິດໃນໄລຍະຄວາມເປັນລະບຽບຮຽບຮ້ອຍສາກົນໄດ້ສ້າງຕັ້ງຂຶ້ນຢ່າງເລິກເຊິ່ງ. ການຂັດແຍ້ງຍຸດທະສາດລະຫວ່າງບັນດາປະເທດມະຫາອຳນາດໄດ້ແຊກຊືມເຂົ້າທຸກໂຄງສ້າງຫຼັກ: ຈາກເສດຖະກິດ, ການຄ້າ, ລະບົບສະໜອງຕະຫຼອດຮອດເຕັກໂນໂລຢີຍຸດທະສາດ, AI ແລະ ຂໍ້ມູນມາດຖານ. ໃນສະພາບການນັ້ນ, ທ່ານເລຂາທິການໃຫຍ່, ປະທານປະເທດ ໂຕເລິມ ເນັ້ນໜັກວ່າ:
ຄວາມຈິງຢັ້ງຢືນວ່າບໍ່ມີປະເທດໃດອາດສາມາດແກ້ໄຂບັນດາຄວາມສ່ຽງທີ່ມີລັກສະນະທົ່ວໂລກ ດ້ວຍຕົນເອງໄດ້. ບັນຫາຍຸດທະສາດວາງອອກແມ່ນເຮັດແນວໃດທັງປົກປ້ອງອະທິປະໄຕຂອງປະເທດຊາດ, ທັງປະກອບສ່ວນເຂົ້າໃນການສ້າງລະບອບລະບຽບການສາກົນທີ່ມີຄວາມຍຸຕິທຳ, ເປີດ ແລະ ອີງຕາມກົດໝາຍ. ນີ້ແມ່ນຄຳຖາມຮຽກຮ້ອງຕ້ອງມີຄຳຕອບລວມລະຫວ່າງ ຫວຽດນາມ ແລະ EU ແລະ ຂ້າພະເຈົ້າເຊື່ອໝັ້ນວ່າຍິ່ງແລກປ່ຽນ, ສອງຝ່າຍຍິ່ງເຫັນວ່າ ພວກເຮົາໄດ້ແບ່ງປັນຫຼາຍຈຸດຄ້າຍຄືກັນຍຸດທະສາດ ແລະ ຄຸນຄ່າຫຼັກກວ່າຄວາມແຕກຕ່າງກັນ.
