ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ພ້ອມດ້ວຍພັນລະຍາ ເດີນທາງອອກຈາກນະຄອນຫຼວງຮ່າໂນ້ຍ ໄປຍັງ ໂປໂລຍ (ພາບ: Dương Giang/TTXVN)

ຕອນບ່າຍວັນທີ 15 ມັງກອນ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ຫວຽດນາມ  ໄດ້ເດີນທາງອອກຈາກນະຄອນຫຼວງ ຮ່າໂນ້ຍ ໄປຢ້ຽມຢາມ ສ.ໂປໂລຍ, ສ.ເຊັກໂກ ຢ່າງເປັນທາງການ ແລະ ເຂົ້າຮ່ວມກອງປະຊຸມປະຈຳປີ ເວທີປາໄສເສດຖະກິດໂລກ (WEF) ຄັ້ງທີ 55 ຢູ່ Davos (ສະວິດ) ແລະ ເຮັດວຽກສອງຝ່າຍຢູ່ ສະວິດ. ການເຄື່ອນໄຫວໄດ້ດຳເນີນແຕ່ວັນທີ 16 – 23 ມັງກອນ 2025 ຕາມຄຳເຊີນຂອງທ່ານນາຍົກລັດຖະມົນຕີ ສ.ໂປໂລຍ Donald Tusk, ທ່ານນາຍົກລັດຖະມົນຕີ ສ.ເຊັກໂກ Petr Fiala ແລະ ທ່ານ Klaus Schwab ຜູ້ກໍ່ຕັ້ງທັງເປັນປະທານເວທີປາໄສເສດຖະກິດໂລກ (WEF).

ໃນການຢ້ຽມຢາມຄັ້ງນີ້, ທ່ານນາຍົກລັດຖະມົນຕີ ຫວຽດນາມ ແລະ ການນຳຂັ້ນສູງບັນດາປະເທດ ຈະແລກປ່ຽນ ແລະ ເປັນເອກະພາບບັນດາມາດຕະການສຳຄັນ ເພື່ອແນໃສ່ປັບປຸງຄວາມໄວ້ເນື້ອເຊື່ອໃຈດ້ານການເມືອງຢ່າງບໍ່ຢຸດຢັ້ງ, ຍົກສູງລັກສະນະຍຸດທະສາດໃນບັນດາເນື້ອໃນການຮ່ວມມື, ເຮັດໃໝ່ບັນດາຂົງເຂດຮ່ວມມືທີ່ເປັນມູນເຊື້ອ; ສ້າງກຳລັງໜູນ, ສ້າງບາດກ້າວກະໂດດຂັ້ນໃນບັນດາຂົງເຂດທີ່ມີກຳລັງບົ່ມຊ້ອນ ແລະ ສຳຄັນ.