ຂ່າວສານ
ທ່ານເລຂາທິການໃຫຍ່,ປະທານປະເທດຫວຽດນາມຫງວຽນຟູຈ້ອງ:ສືບຕໍ່ຍູ້ແຮງວຽກງານປ້ອງກັນ, ຕ້ານການສໍ້ລາດບັງຫລວງ
ທ່ານເລຂາທິການໃຫຍ່,ປະທານປະເທດຫວຽດນາມ ຫງວຽນຟູຈ້ອງ ກ່າວຄຳເຫັນທີ່ການປະຊຸມ
ພາບ:vietnam+
ຕອນເຊົ້າວັນທີ 25 ພະຈິກ ຢູ່ ຮ່າໂນ້ຍ, ຄະນະຊີ້ນຳສູນກາງ ກ່ຽວກັບການປ້ອງກັນ, ຕ້ານການສໍ້ລາດບັງຫລວງ ໄດ້ຈັດການປະຊຸມ ພາຍໃຕ້ການເປັນປະທານຂອງທ່ານເລຂາທິການໃຫຍ່ ປະທານປະເທດຫວຽດນາມ ຫງວຽນຟູຈ້ອງ ຫົວຫນ້າຄະນະຊີ້ນຳ.
ທີ່ການປະຊຸມ ທ່ານເລຂາທິການໃຫຍ່ ປະທານປະເທດຫວຽດນາມ ຫງວຽນຟູຈ້ອງ ໄດ້ຕີລາຄາສູງບັນດາໝາກຜົນຊື່ງ ຄະນະຊີ້ນຳບັນລຸໄດ້ໃນໄລຍະຜ່ານມາ ເປັນການປະກອບສ່ວນປັບປຸງຄວາມໄວ້ເນື້ອເຊື່ອໃຈຂອງປະຊາຊົນ ຕໍ່ກັບພັກ, ລັດ. ທ່ານເລຂາທິການໃຫຍ່ ປະທານປະເທດຫວຽດນາມ ຫງວຽນຟູຈ້ອງ ຮຽກຮ້ອງວ່າ: ປີ 2020 ໃກ້ຈະໝົດແລ້ວ, ສຳລັບ ບາງຄະດີ, ບາງເຫດການທີ່ຢູ່ໃນແຜນການ ຕ້ອງສຸມໃສ່ແກ້ໄຂ, ຍົກອອກມາພິພາກສາໂດຍໄວ.ກ່ຽວກັບຫນ້າທີ່ໃນໄລຍະຈະມາເຖິງ, ທ່ານເລຂາທິການໃຫຍ່ ປະທານປະເທດຫວຽດນາມ ແລະຄະນະປະຈຳການຄະນະຊີ້ນຳ ສະເຫນີໃຫ້ທຸກຂັ້ນ ທຸກຂະແຫນງການ ພ້ອມກັບເລື່ອງເອົາໃຈໃສ່ການຊີ້ນຳນຳພາໃນການປ້ອງກັນ ຕ້ານໂລກລະບາດໂຄວິດ 19 ແລະ ພັດທະນາເສດຖະກິດ ສັງຄົມ, ຄວນສືບຕໍ່ຊີ້ນຳ ຍູ້ແຮງວຽກງານປ້ອງກັນ ຕ້ານການສໍ້ລາດບັງຫລວງ, ເຮັດສຳເລັດຕາມຄວາມຄືບຫນ້າໃນການສືບສວນສອບສວນ, ກ່າວຟ້ອງ, ພິພາກສາ …. ແກ້ໄຂບັນດາຄະດີກໍລະນີສໍ້ລາດບັງຫລວງ, ເສດຖະກິດ ຕາມແຜນການວາງອອກ.
(ແຫຼ່ງຄັດຈາກ VOV)
