ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ໄດ້ເຂົ້າຮ່ວມ ແລະ ຊີ້ນຳກອງປະຊຸມ
(ພາບ: TTXVN)
ຕອນເຊົ້າວັນທີ 07 ທັນວາ, ຢູ່ຮ່າໂນ້ຍ, ຄະນະພັກການທະຫານສູນກາງ, ກະຊວງປ້ອງກັນປະເທດ ໄດ້ຈັດກອງປະຊຸມການເມືອງກອງທັບປີ 2020. ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ໄດ້ເຂົ້າຮ່ວມ ແລະ ຊີ້ນຳກອງປະຊຸມ.
ກ່າວຄຳເຫັນທີ່ກອງປະຊຸມ, ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ສະເໜີສືບຕໍ່ເສີມຂະຫຍາຍກຳລັງແຮງສັງລວມເພື່ອສ້າງພື້ນຖານປ້ອງກັນຊາດທົ່ວປວງຊົນ ຕິດພັນກັບຄວາມສະຫງົບປະຊາຊົນໃຫ້ເຂັ້ມແຂງ. ພ້ອມກັນນັ້ນ, ກະຊວງປ້ອງກັນປະເທດ ສົມທົບກັບບັນດາກະຊວງ, ຂະແໜງການ, ທ້ອງຖິ່ນປະຕິບັດວຽກງານແກ້ໄຂຜົນຮ້າຍຢ້ອນຫຼັງຈາກໄພທຳມະຊາດ, ປົກປ້ອງຊີວິດອິນຊີ, ຊັບສົມບັດຂອງປະຊາຊົນຢ່າງທັນການ. ຄຽງຂ້າງນັ້ນ, ຈັດຕັ້ງການສັບຊ້ອນກົງຈັກກອງທັບໃຫ້ສົມບູນແບບຕາມທິດ “ກະທັດລັດ, ເຂັ້ມແຂງ” ຮອດປີ 2030 ສ້າງເຫຼົ່າຮົບການທະຫານ, ກຳລັງໃຫ້ທັນສະໄໝ; ສູ້ຊົນນັບແຕ່ປີ 2030 ສ້າງກອງທັບໃຫ້ທັນສະໄໝ, ສືບຕໍ່ປະຕິບັດວຽກງານການຕ່າງປະເທດ ສົມທົບກັບການປ້ອງກັນຊາດ. ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ, ກ່າວວ່າ.“ຕ້ອງເອົາໃຈໃສ່ປະຕິບັດວຽກງານການສຶກສາດ້ານແນວຄິດການເມືອງໃຫ້ເປັນຢ່າງດີ, ສຶກສາໜ້າທີ່ຢ່າງເລິກເຊິ່ງ, ບຳລຸງສ້າງທາງດ້ານຈິດໃຈ, ຄຸນສົມບັດປະຕິວັດ, ຄວາມຮັກແພງຕໍ່ເພື່ອນຮ່ວມກົມກອງໃຫ້ແກ່ພະນັກງານ, ນັກຮັບ, ຕ້ອງຮັບປະກັນວ່າ ກອງທັບຍາມໃດກໍ່ແມ່ນກຳລັງການເມືອງ, ກຳລັງສູ້ຮົບທີ່ຈົ່ງຮັກພັກດີທີ່ສຸດ, ແມ່ນບ່ອນອີງຢ່າງໝັ້ນຂົງເຂັ້ມແຂງ, ມີຄວາມໄວ້ເນື້ອເຊື່ອໃຈຂອງພັກ, ລັດ ແລະ ປະຊາຊົນ ແລະ ປະຕິບັດໜ້າທີ່ໃນທຸກສະພາບການໄດ້ເປັນຢ່າງດີທີ່ສຸດ. ສືບຕໍ່ຕໍ່ສູ້ກັບບັນດາທັດສະນະຢ່າງຜິດພາດ, ເປັນປໍລະປັກ”.
(ແຫຼ່ງຄັດຈາກ VOV)
