(ແຫຼ່ງຄັດຈາກ VOV)

ໃນຂອບເຂດກອງປະຊຸມເວທີປາໄສເສດຖະກິດໂລກ (WEF) Davos ຄັ້ງທີ 55, ຕອນບ່າຍວັນທີ 21 ມັງກອນ (ຕາມເວລາທ້ອງຖິ່ນ), ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຂົ້າຮ່ວມ ແລະ ກ່າວຄຳເຫັນ, ສົນທະນາທີ່ວາລະສົນທະນານະໂຍບາຍພິເສດ ດ້ວຍຫົວຂໍ້ “ບຸກທະລຸມຸ່ງໄປເຖິງອະນາຄົດ: ວິໄສທັດຂອງ ຫວຽດນາມ ກ່ຽວກັບນະວັດຕະກຳ ແລະ ບົດບາດທົ່ວໂລກ”.

        ບັນດາສານຂອງທ່ານນາຍົກລັດຖະມົນຕີ ຟ້າມມິງຈິງ ໄດ້ຮັບການຕີລາຄາສູງຈາກບັນດາຜູ້ແທນທີ່ເຂົ້າຮ່ວມ. ຜົນສຳເລັດຂອງວາລະສົນທະນານະໂຍບາຍປີທີ 2 ຢ່າງລຽນຕິດ WEF ປະກອບສ່ວນປັບປຸງບົດບາດ, ທີ່ຕັ້ງສາກົນ, ແຜ່ຂະຫຍາຍບັນດາຜົນງານຢ່າງໃຫຍ່ຫຼວງຂອງ ຫວຽດນາມ ໃນຊຸມປີຜ່ານມາ, ກໍ່ຄືວິໄສທັດ ແລະ ແງ່ຫວັງການພັດທະນາຂອງ ຫວຽດນາມ ໃນສັງກາດໃໝ່, ສັງກາດບຸກບືນຂອງຊາດ.