ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄປຢ້ຽມຢາມເຂດຊາວຄຼິດຊວນລົກ, ແຂວງ ດົ່ງນາຍ
ຕອນບ່າຍວັນທີ 19 ທັນວາ, ຢູ່ເຂດຊາວຄຼິດ ຊວນລົກ, ແຂວງ ດົ່ງນາຍ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ; ການນຳສະພາແຫ່ງຊາດ ພ້ອມກັບການນຳແຂວງ ດົ່ງນາຍ ໄດ້ລົງຢ້ຽມຢາມສັງຄະລາດ ດິງດຶກດ້າວ, ເຂດຊາວຄຼິດ ຊວນລົກ, ຢ້ຽມຢາມ ແລະ ອວຍພອນອະດີດສັງຄະນາຍົກເຂດຊາວຄຼິດ ຊວນລົກ ຫງວຽນຈູຈິງ, ຢ້ຽມຢາມຜູ້ຊ່ວຍວຽກຂອງ ສັງຄະລາດເຂດຊາວຄຼິດ ຊວນລົກ ໂດ໊ວັນເງິນ, ບັນດາຜູ້ມີຍົດສັກຕຳແໜ່ງ, ປະຊາຊົນຊາວຄຼິດ ເນື່ອງໃນໂອກາດ ວັນບຸນ ຄຼິດສະມາດ 2018.
ທ່ານນາງປະທານສະພາແຫ່ງຊາດ ຫງວຽນທິກິມເງິນ ອວຍພອນໃຫ້ບັນດາຜູ້ມີຍົດສັກຕຳແໜ່ງ, ປະຊາຊົນຊາວຄຼິດ ຕ້ອນຮັບວັນບຸນ ຄຼິດສະມາດເຕັມໄປດ້ວຍຄວາມຜາສຸກ,ຄວາມມີພະຄຸນຂອງພະເຈົ້າ. ເມື່ອແບ່ງປັນກ່ຽວກັບໝາກຜົນແຫ່ງການພັດທະນາເສດຖະກິດ, ສັງຄົມຂອງປະເທດຊາດ, ທ່ານນາງປະທານສະພາແຫ່ງຊາດ ຢັ້ງຢືນວ່າ: ໃນບັນດາຜົນງານນັ້ນລ້ວນແຕ່ມີການປະກອບສ່ວນຂອງຊາວຄຼິດ; ພ້ອມທັງເນັ້ນໜັກເຖິງບົດບາດຂອງບັນດາຜູ້ມີຍົດສັກຕຳແໜ່ງໄດ້ເຮັດຫຼ້ອນບົດບາດແນະນຳໃຫ້ປະຊາຊົນດຳລົງຊີວິດ “ຢູ່ໃນສິນກິນໃນທຳ” ເປັນຢ່າງດີ, ມີການປະກອບສ່ວນຫຼາຍຢ່າງໃຫ້ແກ່ແຂວງ ດົ່ງນາຍ. ທ່ານນາງປະທານສະພາແຫ່ງຊາດ ຢັ້ງຢືນວ່າ ທັດສະນະສະເໝີຕົ້ນສະເໝີປາຍຂອງ ພັກ ແລະ ລັດ, ຈາກສູນກາງລົງຮອດທ້ອງຖິ່ນ ຍາມໃດກໍ່ເອົາໃຈໃສ່ ເພື່ອໃຫ້ບັນດາຮາກຖານບູຊາ, ບ່ອນດຳເນີນຊີວິດທາງສາສະໜາໄດ້ຮັບການບູລະນະປະຕິສັງຂອນ, ກໍ່ສ້າງໃໝ່ເພື່ອຮັບໃຊ້ການເຄື່ອນໄຫວທາງດ້ານສາສະໜາ, ຕອບສະໜອງຄວາມຕ້ອງການອັນຊອບທຳຂອງປະຊາຊົນ.
(ແຫຼ່ງຄັດຈາກ VOV)
