ຂ່າວສານ

ທົ່ວໂລກມີຜູ້ຕິດເຊື້ອໂຄວິດ - 19 ກວ່າ 200 ລ້ານຄົນ, ຈຳນວນຜູ້ຕິດເຊື້ອໃໝ່ຢູ່ຫຼາຍປະເທດ ອາຊີ ພວມເພີ່ມຂຶ້ນຢ່າງແຮງ

04/08/2021

ໄລ່ຮອດຕອນເຊົ້າວັນທີ 04 ສິງຫາ, ທົ່ວໂລກຢັ້ງຢືນມີຜູ້ຕິດເຊື້ອໂຄວິດ - 19 ລວມທັງໝົດ 200 ລ້ານຄົນ, ໃນນັ້ນ ມີຫຼາຍກວ່າ 4,25 ລ້ານຄົນ ເສຍຊີວິດ.

ການສົ່ງຄົນເຈັບຕິດເຊື້ອພະຍາດໂຄວິດ - 19 ຢູ່ ຈາກາຕາ, ອິນໂດເນເຊຍ (ພາບ: THX/TTXVN)

ປະເທດທີ່ຖືກຜົນສະທ້ອນຢ່າງໜັກໜ່ວງທີ່ສຸດ ຍັງຄົງແມ່ນ ອາເມລິກາ ດ້ວຍຈຳນວນຜູ້ຕິດເຊື້ອສະສົມທັງໝົດ 36 ລ້ານຄົນ ແລະ ກວ່າ 630.400 ຄົນເສຍຊີວິດ. ໃນເວລາ 24 ຊົ່ວໂມງຜ່ານມາ, ອາເມລິກາ ຢັ້ງຢືນມີຜູ້ຕິດເຊື້ອລາຍໃໝ່ຕື່ມອີກກວ່າ 93.400 ຄົນ.

ໃນຂະນະນັ້ນ, ຈຳນວນຜູ້ຕິດເຊື້ອພະຍາດໂຄວິດ - 19 ຢູ່ ເອີຣົບ ມີທັງໝົດ 50 ປະເທດ ເອີຣົບ, ໃນນັ້ນ ມີທັງ ສະຫະພັນ ລັດເຊຍ ແລະ ຕວັກກີ ແມ່ນຫຼາຍກວ່າ 60 ລ້ານຄົນແລ້ວ, ໃນນັ້ນ ມີຫຼາຍກວ່າ 1,2 ລ້ານຄົນເສຍຊີວິດ.
ໂລກລະບາດໂຄວິດ - 19 ຍັງສືບຕໍ່ມີການຜັນແປຢ່າງສັບສົນຢູ່ບັນດາຈຸດຮ້ອນເຮັ່ງໃນພາກພື້ນ ອາຊີຕາເວັນອອກສ່ຽງໃຕ້. ຕໍ່ໜ້າການແຜ່ລະບາດຢ່າງຮ້າຍແຮງຂອງເຊື້ອໄວຣັດສາຍພັນ Delta, ລັດຖະບານຫຼາຍປະເທດ ສືບຕໍ່ປະຕິບັດບັນດາມາດຕະການຄວບຄຸມຢ່າງເຄັ່ງຄັດ.

(ແຫຼ່ງຄັດຈາກ VOV)

ນາຍົກລັດຖະມົນຕີເປັນປະທານກອງປະຊຸມຄະນະຊີ້ນຳກ່ຽວກັບການພັດທະນາວິທະຍາສາດ, ເຕັກໂນໂລຢີ, ນະວັດຕະກຳ, ຫັນເປັນດີຈີຕອນ ແລະ ແຜນຮ່າງ 06

29/03/2026
ຂ່າວສານ

ຕອນບ່າຍວັນທີ 28 ມີນາ, ຢູ່ຮ່າໂນ້ຍ, ທ່ານນາຍົກກລັດຖະມົນຕີ ຫວຽດນາມ ຟ້າມມິງຈິງ, ຫົວໜ້າຄະນະຊີ້ນຳຂອງລັດຖະບານກ່ຽວກັບການພັດທະນາວິທະຍາສາດ, ເຕັກໂນໂລຢີ, ນະວັດຕະກຳ, ຫັນເປັນດີຈີຕອນ ແລະ ແຜນຮ່າງ 06, ໄດ້ເປັນປະທານກອງປະຊຸມຄັ້ງທີ 2 ປີ 2026 ຂອງຄະນະຊີ້ນຳ. ວາລະປະຊຸມຖືກຈັດຂຶ້ນຕາມຮູບແບບເຊິ່ງໜ້າຢູ່ສຳນັກງານລັດຖະບານຢູ່ ຮ່າໂນ້ຍ, ສົມທົບກັບທາງໄກ ກັບຄະນະຊີ້ນຳຂອງບັນດາແຂວງ, ນະຄອນ.