ຂ່າວສານ

ງານວາງສະແດງຮູບພາບ 70 ປີແຫ່ງວັນມູນເຊື້ອທະຫານອາສາສະໝັກ ແລະ ຜູ້ຊ່ຽວຊານຫວຽດນາມ ຢູ່ລາວ

26/10/2019

ຕອນເຊົ້າວັນທີ 25 ຕຸລາ, ຢູ່ຫໍພິພິຕະພັນ ໄກສອນ ພົມວິຫານ ທີ່ນະຄອນຫຼວງວຽງຈັນ, ໄດ້ໄຂງານວາງສະແດງຮູບພາບສະເຫຼີມສອງຫຼອງ 70 ປີແຫ່ງວັນມູນເຊື້ອທະຫານອາສາສະໝັກ ແລະ ຜູ້ຊ່ຽວຊານຫວຽດນາມ ໃນການປະຕິວັດຂອງປະຊາຊົນລາວບັນດາເຜົ່າ (30/10/1949- 30/102019).

ສະແດງສິລະປະ “ນ້ຳໃຈມິດຕະພາບຫວຽດນາມ-ລາວຍືນຍົງຄົງຕົວຕະຫຼອດໄປ”

(ພາບ: ໜັງສືພິມດ້ຽນບຽນຝູ)

ງານວາງສະແດງ ໂດຍກະຊວງປ້ອງກັນປະເທດລາວຈັດຕັ້ງຂຶ້ນ, ເປີດສາກໃຫ້ແກ່ບັນດາການເຄື່ອນໄຫວສະເຫຼີມສອງຫຼອງ 70 ປີແຫ່ງວັນມູນເຊື້ອທະຫານອາສາສະໝັກ ແລະ ຜູ້ຊ່ຽວຊານຫວຽດນາມ ຢູ່ລາວ.

ງານວາງສະແດງໄດ້ແນະນຳໃຫ້ຜູ້ຊົມຮູບພາບ 168 ແຜ່ນເພື່ອແນໃສ່ຊ່ວຍປະຊາຊົນລາວ ແລະ ເພື່ອນມິດສາກົນ ເຂົ້າໃຈກ່ວາກ່ຽວກັບນ້ຳໃຈສາກົນອັນສູງສົ່ງ ແລະ ບໍລິສຸດຜຸດຜ່ອງຂອງທະຫານອາສາສະໝັກ ແລະ ຜູ້ຊ່ຽວຊານຫວຽດນາມ ໃນພາລະກິດການປະຕິວັດ ແລະ ການສ້າງສາປະເທດຊາດ. ນີ້ກໍ່ແມ່ນໂອກາດເພື່ອໃຫ້ປະຊາຊົນລາວ ແລະ ປະຊາຄົມຊາວຫວຽດນາມ ອາໄສຢູ່ລາວ ເຂົ້າໃຈຕື່ມອີກກ່ຽວກັບສາຍພົວພັນມິດຕະພາບທີ່ເປັນມູນເຊື້ອ, ນ້ຳໃຈສາມັກຄີແບບພິເສດທີ່ຫາຍາກໃນໂລກລະຫວ່າງສອງຊາດລາວ-ຫວຽດນາມ ອ້າຍນ້ອງ ຈາກນັ້ນຈະສືບທອດ, ເສີມຂະຫຍາຍ ຊ່ວຍໃຫ້ສາຍພົວພັນມິດຕະພາບອັນຍິ່ງໃຫ່ຍນີ້ນັບມື້ນັບສະໜິດຕິດພັນກັນ ແລະ ຍືນຍົງຄົງຕົວຕະຫຼອດໄປ.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.