ທ່ານເອກອັກຄະລັດຖະທູດ ຫງວຽນຮົ່ງທາວ

(ພາບ: TTXVN)

ມີພຶດຕະກຳຕົວຈິງຫຼາຍຢ່າງຂອງຫຽດນາມ ແລະ ພາກພື້ນອາຊີຕາເວັນອອກສ່ຽງໃຕ້ ໄດ້ຮັບການຕີລາຄາສູງຈາກບັນດາສະມາຊິກ ILC ທີ່ກອງປະຊຸມຄັ້ງທຳອິດ, ຊຸດທີ 71 ຂອງ ILC, ເຊິ່ງດຳເນີນຢູ່ສຳນັກງານສະຫະປະຊາຊາດ, ຢູ່ເຊີແນວ, ປະເທດສະວິດ.

        ກອງປະຊຸມຄັ້ງທຳອິດ, ຊຸດທີ 71 ຂອງ ILC ແກ່ຍາວເປັນເວລາກວ່າ 6 ອາທິດ (ນັບແຕ່ວັນທີ 29 ເມສາ), ໄດ້ສຸມໃສ່ພິຈາລະຈາບາງບັນຫາປະຈຸບັນຂອງກົດໝາຍສາກົນ, ເຊິ່ງໄດ້ຮັບຄວາມສົນໃຈຈາກຫຼາຍປະເທດ, ລວມມີ: ໂທດກຳຕ້ານມວນມະນຸດ; ມາດຕະເກນຄຳສັ່ງໃນກົດໝາຍສາກົນ; ປົກປັກຮັກສາສິ່ງແວດລ້ອມໃນການປະທະກັນປະກອບອາວຸດ.

        ທ່ານເອກອັກຄະລັດຖະທູດຫວຽດນາມ ຫງວຽນຮົ່ງທາວ, ໄດ້ຕັ້ງໜ້າເຂົ້າຮ່ວມບັນດາການເຄື່ອນໄຫວຂອງ ILC ຢູ່ບັນດາກອງປະຊຸມຄົບຄະນະ, ຢູ່ອະນຸກຳມະການຮຽບຮຽງ ແລະ ບັນດາອະນຸກຳມະການວິຊາສະເພາະອື່ນຂອງ ILC; ສະເໜີສ້າງຕັ້ງບັນດາຂໍ້ກຳນົດຂອງກົດໝາຍສາກົນ ໂດຍອີງໃສ່ຫຼັກຖານເຄົາລົບເອກະລາດ, ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງບັນດາປະເທດ, ສິດທິມະນຸດ ແລະ ການພັດທະນາແບບຍືນຍົງ. ທ່ານເອກອັກຄະລັດຖະທູດ ຫງວຽນຮົ່ງທາວ ໄດ້ກ່າວຄຳເຫັນສະໜັບສະໜູນເລື່ອງສ້າງຮ່າງສົນທິສັນຍາວ່າດ້ວຍໂທດກຳຕ້ານມວນມະນຸດ ໄດ້ຮັບຮູ້ດ້ວຍເລື່ອງສະກັດກັ້ນ ແລະ ລົງໂທດ ຕໍ່ໂທດກຳຕ້ານມວນມະນຸດ ແມ່ນມາດຕະເກນຄຳສັ່ງໃນກົດໝາຍສາກົນ; ທ່ານເນັ້ນໜັກວ່າ ສິ່ງດັ່ງກ່າວໄດ້ຮັບການພິສູດດ້ວຍຄຳຕັດສິນຂອງສານ ສະບັບເລກທີ 002/02 ເດືອນ ພະຈິກ 2018 ຂອງສານພິເສດພິພາກສາໂທດກຳຂອງ ຂະແມແດງ (ECCC). ຄຳເຫັນຂອງທ່ານເອກອັກຄະລັດຖະທູດ ຫວຽນຮົ່ງທາວ ກ່ຽວກັບເລື່ອງ ກອງທັບອາເມລິກາ ນຳໃຊ້ທາດພິດສີສົ້ມໃນສົງຄາມຢູ່ຫວຽດນາມ ແລະ ຄວາມມານະພະຍາຍາມຮ່ວມມືຂອງລັດຖະບານອາເມລິກາ ພ້ອມກັບລັດຖະບານຫວຽດນາມ ລ້າງທາດພິດດີໂອຊິນ ຢູ່ສະໜາມບິນ ດ່ານັ້ງ, ບຽນຮ່ວາ ໄດ້ຮັບການຮັບຮູ້ຈາກບັນດາສະມາຊິກ ILC ແລະ ຈະນຳເຂົ້າໃນບົດສະແດງຄວາມຄິດເຫັນໃນຮ່າງມະຕິຫຼັກການປົກປັກຮັກສາສິ່ງແວດລ້ອມໃນການປະທະກັນດ້ວຍການປະກອບອາວຸດ.

(ແຫຼ່ງຄັດຈາກ VOV)