ປະຊາຊົນ ສປປ.ເກົາຫຼີ ກະກຽມໃບປິວທີ່ມີເນື້ອໃນຕ້ານ ຕ້ານ ສ.ເກົາຫຼີ (ພາບ:AFP/TTXVN)
ຕາມ KCNA ແລ້ວ, ກ່ອນໜ້ານັ້ນ ຄືວັນທີ 20 ມິຖຸນາ, ກະຊວງທ້ອນໂຮມຊາດ ສ.ເກົາຫຼີ ໄດ້ສະແດງຄວາມເສຍດາຍຕໍ່ແຜນການຂອງ ສປປ.ເກົາຫຼີ ທີ່ໄດ້ຫວ່ານໃບປິວຜ່ານຊາຍແດນລະຫວ່າງສອງປະເທດ. ພ້ອມກັນນັ້ນ ກໍໄດ້ຮຽກຮ້ອງໃຫ້ ພຽງຢາງ ຖອນແຜນການນີ້ຄືນ ແລະ ຖືວ່າ ແຜນການນີ້ ໄດ້ລະເມີດຂໍ້ຕົກລົງສຸດຍອດ Panmunjom ລະຫວ່າງ ສອງປະເທດ.
KCNA ຊີ້ແຈ້ງວ່າ ສປປ.ເກົາຫຼີ ບໍ່ມີເຈດຈຳນົງພິຈາລະນາຄືນແຜນການດັ່ງກ່າວໃນຈຸດເວລາທີ່ສາຍພົວພັນລະຫວ່າງ ສອງປະເທດໄດ້ຖືກທຳລາຍ. ພຽງຢາງ ຍັງຖືວ່າ ຂໍ້ຕົກລົງສຸດຍອດລະຫວ່າງສອງປະເທດບັນລຸໄດ້ກ່ອນນີ້ສອງປີບໍ່ມີຄວາມໝາຍອີກແລ້ວ.
(ແຫຼ່ງຄັດຈາກ VOV)
