ທ່ານ ສາດສະດາຈານ Bilveer Singh ກໍ່ເນັ້ນໜັກວ່າ ການຢ້ຽມຢາມ ແມ່ນສານໄປຍັງໂລກເວົ້າລວມ ແລະ ອາຊຽນເວົ້າສະເພາະ ວ່າ ນັບທັງໃນສະພາບການເກີດໂລກລະບາດໂຄວິດ - 19, ໃນສັງກາດທີ່ເຕັມໄປດ້ວຍບັນຫາສັບສົນທາງດ້ານການເມືອງ, ພິເສດແມ່ນເສດຖະກິດ ແລະ ການແພດ, ທັງສອງປະເທດຍັງກ້າວໄປສູ່ທາງໜ້າ.

ທ່ານປະທານປະເທດ ຫວຽດນາມ ຫງວຽນຊວັນຟຸກ (ພາບ: TTXVN)

ທ່ານສາດສະດາຈານ Bilveer Singh ສັງກັດມະຫາວິທະຍາໄລແຫ່ງຊາດ ສິງກະໂປ ເນັ້ນໜັກວ່າ: ການຢ້ຽມຢາມທາງລັດຖະກິດຢູ່ ສິງປະໂກ ໃນລະຫວ່າງວັນທີ 24 – 26 ກຸມພາຂອງທ່ານປະທານປະເທດ ຫງວຽນຊວັນຟຸກ ແມ່ນເພື່ອແນໃສ່ຢັ້ງຢືນຄືນການພົວພັນຮ່ວມມືຢ່າງແໜ້ນແຟ້ນ ແລະ ຊ່ວຍປັບປຸງການພົວພັນອັນດີງາມລະຫວ່າງສອງປະເທດໃຫ້ຫຼາຍກ່ວາອີກ, ມຸ່ງໄປເຖິງການພົວພັນແບບພິເສດ. ທ່ານສາດສະດາຈານ Bilveer Singh ໄດ້ຕີລາຄາວ່າການພົວພັນຄູ່ຮ່ວມມືຍຸດທະສາດ ຫວຽດນາມ - ສິງກະໂປ ແມ່ນການພົວພັນສັງລວມ, ມີຄວາມແໜ້ນແຟ້ນທີ່ສຸດກ່ຽວກັບດ້ານການເມືອງ, ເສດຖະກິດ ແລະ ຍຸດທະສາດ. ໃນບັນຫາທະເລຕາເວັນອອກ, ສອງປະເທດມີຄວາມເຫັນດີເຫັນພ້ອມຢູ່ລະດັບສູງ. ສອງປະເທດມີທັດສະນະລວມ, ຄວາມຮັບຮູ້, ມີຄວາມໄວ້ເນື້ອເຊື່ອໃຈ ຕໍ່ຄວາມເປັນລະບຽບຮຽບຮ້ອຍໂດຍອີງໃສ່ກົດໝາຍ, ໃນນັ້ນມີສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ (UNCLOS) ປີ 1982 ຊຶ່ງມີຄວາມໝາຍສຳຄັນທີ່ສຸດໃນການຊຸກຍູ້ການພົວພັນສອງຝ່າຍ.

ທ່ານ ສາດສະດາຈານ Bilveer Singh ກໍ່ເນັ້ນໜັກວ່າ ການຢ້ຽມຢາມ ແມ່ນສານໄປຍັງໂລກເວົ້າລວມ ແລະ ອາຊຽນເວົ້າສະເພາະ ວ່າ ນັບທັງໃນສະພາບການເກີດໂລກລະບາດໂຄວິດ - 19, ໃນສັງກາດທີ່ເຕັມໄປດ້ວຍບັນຫາສັບສົນທາງດ້ານການເມືອງ, ພິເສດແມ່ນເສດຖະກິດ ແລະ ການແພດ, ທັງສອງປະເທດຍັງກ້າວໄປສູ່ທາງໜ້າ, ເພີ່ມທະວີການພົວພັນສອງຝ່າຍອີງໃສ່ຄວາມໄວ້ເນື້ອເຊື່ອໃຈເຊິ່ງກັນແລະກັນ. ທັງຫວຽດນາມ ແລະ ສິງກະໂປ ພວມລໍຄອຍເພີ່ມທະວີການພົວພັນສອງຝ່າຍເພື່ອກາຍເປັນໜຶ່ງໃນບັນດາຈຸດອີງຂອງ ອາຊີຕາເວັນອອກສ່ຽງໃຕ້ກ່ຽວກັບການພົວພັນດ້ານການເມືອງ, ເສດຖະກິດ ແລະ ຍຸດທະສາດ.

(ແຫຼ່ງຄັດຈາກ VOV)