ທ່ານຮອງລັດຖະມົນຕີ ຫວູຮົ່ງນານ ຊີ້ແຈ້ງວ່າ ການຢ້ຽມຢາມທາງລັດຖະກິດຢູ່ລັດ ເອທີໂອປີ ແລະ ອີຢິບ ຂອງທ່ານປະທານປະເທດ ເຈິ່ນດ້າຍກວາງ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ຫວຽດນາມ ແຕ່ວັນທີ 23 – 29 ສິງຫາ 2018 ໄດ້ປະສົບຜົນສຳເລັດຢ່າງຈົບງາມໃນຫລາຍດ້ານ, ນັບແຕ່ເນື້ອໃນການແລກປ່ຽນລະຫວ່າງທ່ານປະທານປະເທດ ແລະ ການນຳຂັ້ນສູງ 2 ປະເທດ, ບັນດາເອກະສານທີ່ໄດ້ລົງນາມກໍ່ຄືບັນດາການເຄື່ອນໄຫວຂອງວິສາຫະກິດ.
ທັງ ເອທີໂອປີ ແລະ ອີຢິບ ໄດ້ສະຫງວນໃຫ້ ທ່ານປະທານປະເທດ ແລະ ຄະນະຜູ້ແທນຂັ້ນສູງ ຫວຽດນາມ ການຕ້ອນຮັບທີ່ອົບອຸ່ນ, ສົມກຽດ, ສະໜິດສະໜົມ ດ້ວຍພິທີຕ້ອນຮັບສູງສຸດທີ່ສະຫງວນໃຫ້ປະມຸກລັດ. ສິ້ນສຸດການຢ້ຽມຢາມ, ຢູ່ທັງ ເອທີໂອປີ ແລະ ອີຢິບ, 2 ຝ່າຍລ້ວນແຕ່ອອກຖະແຫຼງການຮ່ວມ, ວາງອອກບັນດາການກຳນົດທິດໃຫຍ່, ເປັນພື້ນຖານເພື່ອຊຸກຍູ້ການຮ່ວມມື 2 ຝ່າຍ ຫວຽດນາມ - ເອທີໂອປີ, ຫວຽດນາມ - ອີຢິບ ໃນໄລຍະຈະມາເຖິງກ່ວາອີກ.
(ແຫຼ່ງຄັດຈາກ VOV)
