ວັນທີ 15 ກັນຍາ, ທ່ານຮອງປະທານຜູ້ປະຈຳການຄະນະກຳມະການປະຊາຊົນນະຄອນໂຮ່ຈີມິນ ເລແທງລຽມ ມີການຕ້ອນຮັບຄະນະຜູ້ແທນແຂວງຊຽງຂວາງ ( ປະເທດລາວ ) ແລະ ກະຊວງປ້ອງກັນຄວາມສະຫງົບລາວ

ການນຳນະຄອນໂຮ່ຈີມິນຕ້ອນຮັບຄະນະຜູ້ແທນແຂວງຊຽງຂວາງ (ພາບ: VOH)

      ໂດຍ ທ່ານ ຄຳແສນ ມະນີວົງ, ຮອງເຈົ້າແຂວງ ແຂວງຊຽງຂວາງນຳໜ້າ, ທີ່ພວມມີການຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານ ເລແທງລ່ຽມ ແບ່ງປັນວ່າ, ນະຄອນ ໂຮ່ຈີມິນຍາມໃດກໍ່ເຄົາລົບ ແລະ ເຮັດຈົນສຸດຄວາມສາມາດຂອງຕົນ ເພື່ອພ້ອມກັບບັນດາຄະນະ, ຂະແໜງການຂອງລາວ ຊຸກຍູ້ການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງ ຫວຽດນາມ  - ລາວ, ໃນນັ້ນມີການພົວພັນມິດຕະພາບ ແລະ ການຮ່ວມມືລະຫວ່າງນະຄອນ ໂຮ່ຈີມິນ ແລະ ແຂວງ ຊຽງຂວາງ.
ສ່ວນທ່ານ ຄຳແສນ ມະນີວົງ ໄດ້ສະແດງຄວາມຂອບໃຈນະຄອນ ໂຮ່ຈີມິນ ໄດ້ມີການໜູນຊ່ວຍ, ປະກອບສ່ວນໃນການພັດທະນາເສດຖະກິດ ສັງຄົມຂອງແຂວງ ຊຽງຂວາງໃນຕະຫຼອດໄລຍະຜ່ານມາ, ໃນນັ້ນມີບັນດາໂຄງການລະອຽດ ໄດ້ຮັບການຜັນຂະຫຍາຍຢູ່ ຊຽງຂວາງ. ສິ່ງດັ່ງກ່າວປະກອບສ່ວນເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ ຫວຽດນາມ - ລາວ, ກໍ່ຄືລະຫວ່າງສອງທ້ອງຖີ່ນໃຫ້ສວຍສົດງົດງາມ ແລະ ໝັ້ນຄົງຂະໜົງແກ່ນໄປຊົ່ວກາລະນານ.

(ແຫຼ່ງຄັດຈາກ VOV)