ກອງປະຊຸມທາງອອນລາຍເຈົ້າໜ້າທີ່ອາວຸໂສ ການປ້ອງກັນຊາດ ອາຊຽນ (ADSOM)

(ພາບ: qdnd.vn)

ກ່າວຄຳເຫັນໄຂກອງປະຊຸມ, ທ່ານພົນໂທ ຫງວຽນຈີ໊ວິ້ງ ໄດ້ເນັ້ນໜັກວ່າ ໃນສະພາບການໂລກລະບາດ ໂຄວິດ - 19 ໄດ້ ແລະ ພວມສົ່ງຜົນກະທົບ ແລະ ສ້າງສີ່ງກີດຂວາງຕໍ່ຫຼາຍການເຄື່ອນໄຫວສາກົນ, ໃນນັ້ນມີບັນດາການເຄື່ອນໄຫວໃນອາຊຽນ, ບັນດາປະເທດອາຊຽນໄດ້ສືບຕໍ່ຮັກສາບັນດາການຮ່ວມມືຫຼາຍຝ່າຍ ພິເສດແມ່ນໃນບັນດາການເຄື່ອນໄຫວດ້ານການເມືອງ, ການຕ່າງປະເທດ, ເສດຖະກິດ, ການປ້ອງກັນຊາດ, ປ້ອງກັນຄວາມສະຫງົບ. ທ່ານ ພົນໂທ ຫງວຽນຈີ໊ວິ້ງ ຢັ້ງຢືນວ່າ:

          ໃນຊຸມປີ ຜ່ານມາ, ພວກເຮົາໄດ້ຈັດຕັ້ງບັນດາການເຄື່ອນໄຫວດ້ວຍເນື້ອໃນການຮ່ວມມືດ້ານປ້ອງກັນຊາດ ອາຊຽນ ດ້ວຍຄຸນນະພາບສູງ ເຖິງວ່າ ພວກເຮົາບໍ່ພົບປະກັນໂດຍກົງກໍ່ຕາມ. ຍິ່ງໄປກ່ວານັ້ນ, ພວກເຮົາໄດ້ປະກອບສ່ວນຢ່າງຕັ້ງໜ້າເຂົ້າຮ່ວມການປ້ອງກັນ, ຕ້ານໂລກລະບາດ ໂຄວິດ - 19 ເຊິ່ງພົ້ນເດັ່ນຂຶ້ນແມ່ນ ຖະແຫຼງການຮ່ວມ ຢູ່ກອງປະຊຸມວົງແຄບລັດຖະມົນຕີປ້ອງກັນຊາດ ລະຫວ່າງ ບັນດາປະເທດ ອາຊຽນ ກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19.

(ແຫຼ່ງຄັດຈາກ VOV)