(ພາບປະກອບ)
ວັນທີ 06/04, ຢູ່ ວຽງຈັນ ປະເທດ ລາວ, ຄະນະຜູ້ແທນຂັ້ນສູງສູນກາງແນວໂຮມປະເທດຊາດ ຫວຽດນາມ ໂດຍທ່ານນາງ ເຈືອງທິງອກແອ໋ງ ຮອງປະທານຄະນະກຳມະການສູນກາງແນວໂຮງປະເທດຊາດ ຫວຽດນາມ ນຳໜ້າ ໄດ້ພົບປະເຈລະຈາກັບຄະນະຜູ້ແທນຂັ້ນສູງແນວລາວສ້າງຊາດໂດຍທ່ານ ຈັນທະວົງ ແສນອາມາດມົນຕີ ຮອງປະທານແນວລາວສ້າງຊາດເປັນຫົວໜ້າຄະນະ. ທີ່ການພົບປະເຈລະຈາ, 2 ຝ່າຍໄດ້ເຫັນດີເປັນເອກະພາບເນື້ອໃນສຳຄັນຫລາຍຢ່າງ, ໃນນັ້ນມີບັນດາການເຄື່ອນໄຫວທີ່ນອນໃນ “ປີມິດຕະພາບ ຫວຽດນາມ - ລາວ” ເພື່ອສະເຫຼີມສະຫຼອງ 55 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ ຫວຽດນາມ ແລະ ລາວ, ເລື່ອງຈັດຕັ້ງກອງປະຊຸມປະທານແນວໂຮມ 3 ປະເທດ ຫວຽດນາມ - ກຳປູເຈຍ - ລາວ ແລະ ກອງປະຊຸມສາກົນສ້າງເສັ້ນຊາຍແດນແຫ່ງສັນຕິພາບມິດຕະພາບ ຫວຽດນາມ - ລາວ. 2 ຝ່າຍກໍ່ສະແດງຄວາມປາດຖະໜາວ່າ ການພົວພັນຮ່ວມມືລະຫວ່າງແນວໂຮມປະເທດຊາດ ຫວຽດນາມ ແລະ ແນວລາວສ້າງຊາດ ຈະນັບມື້ນັບບັນລຸປະສິດທິຜົນແທດຈິງ; ປະກອບສ່ວນເພີ່ມພູນຄູນສ້າງ ແລະ ພັດທະນາການພົວພັນມິດຕະພາບ, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ - ລາວ, ເພື່ອຜົນປະໂຫຍດຂອງປະຊາຊົນ 2 ປະເທດ, ເພື່ອສັນຕິພາບ, ສະຖຽນລະພາບ ແລະ ການພັດທະນາຢູ່ພາກພື້ນ ແລະ ໃນໂລກ.
(ແຫຼ່ງຄັດຈາກ VOV)
