ພາບປະກອບ
ກອງປະຊຸມລັດຖະມົນຕີ ເສດຖະກິດອາຊຽນພິເສດ ກ່ຽວກັບ ການເຈລະຈາ ສັນຍາຄູ່ຮ່ວມມືເສດຖະກິດຮອບດ້ານໃນພາກພື້ນ (RCEP) ໄດ້ດຳເນີນໃນຕອນເຊົ້າວັນທີ 22 ມິຖຸນາ ເພື່ອແນໃສ່ຕີລາຄາຄວາມຄືບໜ້າ ແລະ ປຶກສາຫາລືກຳນົດທິດເພື່ອປະຕິບັດເປົ້າໝາຍສິ້ນສຸດການເຈລະຈາໃນປີນີ້ຢ່າງສຳເລັດຜົນຕາມການຊີ້ນຳທີ່ໄດ້ວາງອອກຂອງບັນດາການນຳຂັ້ນສູງຢູ່ ກອງປະຊຸມຂັ້ນສູງ RCEP ໃນທ້າຍປີ 2018. ທ່ານ ເລກກ໊ວກແຄ໊ງ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມໄດ້ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ. ຫວຽດນາມ ແລະ ບັນດາປະເທດ ອາຊຽນໄດ້ຮັບຮູ້ບັນດາຄວາມມານະພະຍາຍາມຂອງບັນດາຝ່າຍໃນເລື່ອງຊຸກຍູ້ໃຫ້ບັນລຸໄດ້ໝາກຜົນເຈລະຈາໃນບັນດາຂົງເຂດສຳຄັນຄື ສິນຄ້າ, ການບໍລິການ, ການລົງທຶນ… ບັນດາລັດຖະມົນຕີ ໄດ້ມີບັນດາການຊີ້ນຳກ່ຽວກັບທິດທາງການເຈລະຈາໃນໄລຍະຈະມາເຖິງ, ພ້ອມທັງມອບໃຫ້ບັນດາຄະນະເຈລະຈາ ສືບຕໍ່ມານະພະຍາຍາມ, ເພີ່ມທະວີການປຶກສາຫາລືໃນບັນດາວາລະເຈລະຈາຈະມາເຖິງເພື່ອແນໃສ່ມຸ່ງໄປສູ່ເປົ້າໝາຍສິ້ນສຸດການເຈລະຈາໃນ ປີ 2019.
(ແຫຼ່ງຄັດຈາກ VOV)
