ຂ່າວສານ

WHO ຮຽກຮ້ອງໃຫ້ໂລກ ແບ່ງປັນ ວັກຊີນກັນເຊື້ອພະຍາດໂຄວິດ - 19

14/06/2020

ວັກຊີນກັນເຊື້ອໄວຣັດ SARS – CoV – 2 ຕ້ອງໄດ້ຮັບຖືວ່າ ແມ່ນສິນຄ້າສາທາລະນະທົ່ວໂລກ. ຕາມອົງການອະນາໄມໂລກ (WHO) ແລ້ວ, ຕ້ອງໄດ້ຮັບປະກັນວ່າປະຊາຊົນທຸກຄົນລ້ວນແຕ່ໄດ້ເຂ້ົາເຖິງການສັກຢາວັກຊີນບໍ່ວ່າຈະເປັນຊະນິດໃດໆທີ່ພວມໄດ້ຮັບການຜະລິດຢ່າງຍຸຕິທໍາ.

ວັກຊີນຢູ່ຫ້ອງທົດລອງ ຢູ່ Novavax, Gaithersburg, Maryland, ອາເມລິກາ (ພາບ: TTXVN)

ກ່າວຄໍາເຫັນໃນການຖະແຫຼງຂ່າວທີ່ໄດ້ດໍາເນີນໃນວັນທີ 12 ມິຖຸນາ, ທ່ານ Adhanom Ghebreyesus ຜູ້ອໍານວຍການໃຫຍ່ WHO ຢັ້ງຢືນວ່າ ວັກຊິນທຸກຊະນິດລ້ວນແຕ່ໄດ້ຮັບຖືວ່າແມ່ນສິນຄ້າສາທາລະນະທົ່ວໂລກ ຕ້ອງໄດ້ຮັບການຊຸກຍູ້ ແລະ ວົງການການນໍາ ຕ້ອງຍົກອອກຄໍາໝັ້ນສັນຍາທາງການເມືອງ. ຖະແຫຼງການດັ່ງກ່າວຂອງ WHO ໄດ້ຍົກອອກມາໃນສະພາບການທີ່ນັບມື້ນັບມີຄວາມວິຕົກກັງວົນຫຼາຍຢ່າງທີ່ວ່າ ບາງປະເທດອາດຈະສະສົມ ວັນຊີນກັນເຊື້ອໄວຣັດ SARS – CoV – 2 ຫຼືຢາທີ່ນໍາໃຊ້ປິ່ນປົວເຊື້ອພະຍາດ ໂຄວິດ - 19, ອັນໄດ້ເຮັດໃຫ້ຫຼາຍປະເທດທຸກຍາກບໍ່ໄດ້ຊົມໃຊ້.

ໄລ່ຮອດເວລາ 9 ໂມງເຊົ້າຂອງວັນທີ 13 ມິຖຸນາ (ຕາມເວລາ ຫວຽດນາມ), ຍອດຈໍານວນຜູ້ຕິດເຊື້ອພະຍາດໂຄວິດ - 19 ໃນທົ່ວໂລກແມ່ນ 7.732.485 ກໍລະນີ, ໃນນັ້ນມີ 428.236 ກໍລະນີເສຍຊີວິດ. ຈໍານວນຜູ້ຕິດເຊື້ອພະຍາດໄດ້ຮັບການປິ່ນປົວຫາຍດີແມ່ນ 3.956. 272 ກໍລະນີ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.