ໂຮງໝໍແຫ່ງໜຶ່ງຢູ່ ຝລັ່ງ (ພາບ: AFP/TTXVN)  

ໃນເວລາ 24 ຊົ່ວໂມງຜ່ານມາ, ທົ່ວໂລກມີຜູ້ຕິດເຊື້ອລາຍໃໝ່ກວ່າ 1,64 ລ້ານຄົນ ແລະ ມີຜູ້ເສຍຊີວິດກວ່າ 5.000 ຄົນ, ຫຼຸດລົງໜ້ອຍໜຶ່ງເມື່ອທຽບໃສ່ກ່ອນນັ້ນໜຶ່ງວັນ. ສ.ເກົາຫຼີ ຢືນອັນດັບໜຶ່ງໃນໂລກກ່ຽວກັບຈຳນວນຜູ້ຕິດເຊື້ອໃໝ່, ດ້ວຍ 400.681 ຄົນ, ໃນຂະນະນັ້ນ ຈຳນວນຜູ້ເສຍຊີວິດຢູ່ ອາເມລິກາ ໃນ 24 ຊົ່ວໂມງຜ່ານມາ ຈຳນວນ 939 ຄົນ ແມ່ນຈຳນວນ 939 ຄົນ ເຊິ່ງແມ່ນລະດັບສູງທີ່ສຸດໃນໂລກ.

ວັນທີ 17 ມີນາ, ອົງການອະນາໄມໂລກ (WHO) ໄດ້ກ່າວເຕືອນກ່ຽວກັບ ຈໍານວນຜູ້ຕິດເຊື້ອໂຄວິດ - 19 ໃນທົ່ວໂລກເພີ່ມຂຶ້ນຢ່າງວ່ອງໄວ, ພິເສດແມ່ນ ທະວີບ ອາຊີ. ອົງການນີ້ ຮຽກຮ້ອງໃຫ້ບັນດາປະເທດ ຈົ່ງເປີດກວ້າງໂຄງການສັກວັກຊິນໃຫ້ທົ່ວເຖິງໂດຍໄວ, ກໍຄືຕ້ອງລະມັດລະວັງຕໍ່ແຜນການຍົກເລີກບັນດາມາດຕະການປ້ອງກັນ, ຕ້ານໂລກລະບາດ.

ອົງການດັ່ງກ່າວກໍກ່າວເຕືອນວ່າ ສະພາບການໂລກລະບາດຢູ່ແຕ່ລະປະເທດແມ່ນແຕກຕ່າງກັນ, ດັ່ງນັ້ນ ຄວນມີສະຕິລະວັງຕົວໃນການຮັບມືຢ່າງທັນການກັບໂລກລະບາດ ເມື່ອໂລກລະບາດຍັງບໍ່ທັນສິ້ນສຸດ.