ຂ່າວສານ

UNICEF: ມີເດັກນ້ອຍ ຈຳນວນ 1/6 ໃນໂລກພວມດຳລົງຊີວິດຢູ່ໃນເຂດເກີດການປະທະກັນ

30/12/2024

ຕາມບົດລາຍງານຂອງ UNICEF ທີ່ປະກາດໃນວັນທີ 28 ທັນວາ, ມີເດັກນ້ອຍປະມານ 473 ລ້ານຄົນ - ເທົ່າກັບກວ່າ 1/6 ຈຳນວນເດັກນ້ອຍໃນທົ່ວໂລກ ພວມດຳລົງຊີວິດຢູ່ບັນດາເຂດເກີດການປະທະກັນໃນໂລກ.

ພາບປະກອບ: Reuters

ອັດຕາສ່ວນເດັກນ້ອຍດຳລົງຊີວິດຢູ່ເຂດເກີດການປະທະກັນໄດ້ເພີ່ມຂຶ້ນທົບສອງເທົ່າ, ຈາກ 10% ໃນທົດສະວັດ 1990 ຂຶ້ນເຖິງເກືອບ 19% ໃນປະຈຸບັນ. ຮອດທ້າຍປີກາຍ, ມີເດັກນ້ອຍ 47,2 ລ້ານຄົນ ຕ້ອງປະລະເຮືອນຊານຍ້ອນການປະທະກັນ ແລະ ການໃຊ້ຄວາມຮຸນແຮງ. ທ່າອ່ຽງນີ້ ຄາດວ່າສືບຕໍ່ເພີ່ມຂຶ້ນໃນປີນີ້ ເມື່ອບັນດາການປະທະກັນພວມເພີ່ມຂຶ້ນຢູ່ ໄຮຕີ ແລະ ລີບັງ, ມຽນມາ, ປາແລດສະຕິນ ແລະ ຊູດັງ. ພິເສດ ຢູ່ ເຂດກາຊາ, ການປະທະກັນພວມເກີດຂຶ້ນຢ່າງຮ້າຍແຮງ. ຕາມທ່ານ Rosalia Bollen, ຜູ້ຊ່ຽວຊານດ້ານສື່ມວນຊົນຂອງ UNICEF ໃຫ້ຮູ້ວ່າ: ເດັກນ້ອຍ ຢູ່ ເຂດກາຊາ ພວມຮັບມືກັບສະພາບອາກາດຫນາວຈັດ, ພະຍາດ ແລະ ຖືກຜົນສະທ້ອນຢ່າງແຮງດ້ານຈິດຕະສາດ. ມີເດັກນ້ອຍຢ່າງຫນ້ອຍສຸດແມ່ນ 17.492 ຄົນຖືກເສຍຊີວິດໃນເກືອບ 15 ເດືອນເກີດການປະທະກັນ. ຕາມການສະຖິຕິຂອງ UNICEF ແລ້ວ, ມີແມ່ຍິງ ແລະ ເດັກນ້ອຍປະມານ 96% ຢູ່ເຂດ ກາຊາ ບໍ່ສາມາດຕອບສະຫນອງຄວາມຕ້ອງການດ້ານທາດບຳລຸງໂດຍພື້ນຖານ.

(ແຫຼ່ງຄັດຈາກ VOV)

ລາຍການ “ທະຫານປ້ອງກັນຊາຍແດນນຳລະດູບານໃໝ່ທີ່ອົບອຸ່ນມາໃຫ້ຊາວບ້ານ” 2025

04/01/2025
ຂ່າວສານ

ລາຍການ “ທະຫານປ້ອງກັນຊາຍແດນນຳລະດູບານໃໝ່ທີ່ອົບອຸ່ນມາໃຫ້ຊາວບ້ານ” 2025 ຈະໄດ້ຈັດຂຶ້ນຢູ່ຕາແສງ ປາເຕິນ, ເມືອງ ຊິ່ນໂຮ່, ແຂວງ ລາຍເຈົາໃນວັນທີ 9 ມັງກອນທີ່ຈະມາເຖິງ.