ຂ່າວສານ

UNDP ໜູນຊ່ວຍເງິນ 185.000 USD ໃຫ້ແກ່ບັນດາແຂວງຖືກໄພແຫ້ງແລ້ງແລະນ້ຳທະເລຊຶມ

19/03/2020

ວັນທີ 17 ມີນາ, ຢູ່ຮ່າໂນ້ຍ, ກະຊວງກະສິກຳແລະພັດທະນາຊົນນະບົດຫວຽດນາມແລະໂຄງການພັດທະນາຂອງສປຊ (UNDP) ໄດ້ລົງນາມໃນຂໍ້ຕົກລົງຢ່າງເປັນທາງການກ່ຽວກັບການໜູນຊ່ວຍໃຫ້ແກ່ບັນດາແຂວງຢູ່ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ ທີ່ພວມປະສົບກັບໄພແຫ້ງແລ້ງແລະນ້ຳທະເລຊຶມ.

ທ່ານນາງ Caitlin Wiesen, ຜູ້ຕາງໜ້າ UNDP ມອບບ້ວງເງິນໜູນຊ່ວຍ 185.000 USD ໃຫ້ແກ່ປະຊາຊົນຢູ່ເຂດທົ່ງພຽງແມ່ນ້ຳຂອງ
ທາງພາກໃຕ້ ຫວຽດນາມ (ພາບ: Tuoitre.vn)

ຕາມຂໍ້ຕົກລົງນີ້, ຜ່ານກະຊວງກະສິກຳແລະພັດທະນາຊົນນະບົດຫວຽດນາມ, UNDP ຈະມອບໃຫ້ປະຊາຊົນເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມບ້ວງເງິນໜູນຊ່ວຍ 185.000 USD ຈາກກອງທຶນສຸກເສີນທົ່ວໂລກເພື່ອໜູນຊ່ວຍການຮັບມືກັບສະພາບແຫ້ງແລ້ງແລະນ້ຳທະເລຊຶມຢູ່ ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ. ນອກຈາກນັ້ນ, UNDP ກໍ່ຈະໜູນຊ່ວຍການເຈລະຈາດ້ານນະໂຍບາຍໃນການປ້ອງກັນ, ຕ້ານໄພທຳມະຊາດກ່ຽວກັບໄພແຫ້ງແລ້ງແລະນ້ຳທະເລຊຶມ, ນຳໃຊ້ເຕັກໂນໂລຢີມືຖືເພື່ອອັບເດດຜົນເສຍຫາຍທີ່ເກີດຈາກໄພທຳມະຊາດ, ໃນນັ້ນມີບັນຫາໄພແຫ້ງແລ້ງແລະນ້ຳທະເລຊຶມ.

(ແຫຼ່ງຄັດຈາກ VOV)

ນຳວິທະຍາຄານປ້ອງກັນຊາດ ກາຍເປັນສູນເສນາທິການຍຸດທະສາດ ແຖວໜ້າກ່ຽວກັບການທະຫານ, ການປ້ອງກັນຊາດ

15/09/2026
ຂ່າວສານ

ທ່ານນາຍົກລັດຖະມົນຕີ ເລມິງຮຶງ ສະເໜີ ສະຖາບັນສ້າງບາດກ້າວບຸກທະລຸກ່ຽວກັບຄຸນນະພາບການບຳລຸງສ້າງພະນັກງານບັນດາຍຸດທະສາດ ແລະ ພະນັກງານຂັ້ນສູງຂອງພັກ, ລັດ, ກຳລັງປະກອບອາວຸດຕິດພັນກັບການຍົກສູງຄຸນນະພາບການຄົ້ນຄ້ວາວິທະຍສາດ.