ຂ່າວສານ

COP 29: ສະຫະປະຊາຊາດຮຽກຮ້ອງຄວາມເຄົາລົບການປະຕິບັດຂໍ້ຕົກລົງການເງິນດ້ານດິນຟ້າອາກາດເຖິງວ່າຍັງບໍ່ທັນເພິ່ງໃຈ

25/11/2024

ບັນດາປະເທດພັດທະນາໃຫ້ຄຳໝັ້ນສັນຍາຈະເບີກຈ່າຍຈຳນວນເງິນຢ່າງໜ້ອຍສຸດ 300 ຕື້ USD/ປີ ນັບແຕ່ນີ້ຮອດປີ 2035

ພາບປະກອບ

ຕາມຂໍ້ຕົກລົງວ່າດ້ວຍການເງິນດ້ານດິນຟ້າອາກາດທີ່ຫາກໍ່ບັນລຸໄດ້ທີ່ກອງປະຊຸມສຸດຍອດຄັ້ງທີ 29 ບັນດາຝ່າຍເຂົ້າຮ່ວມສົນທິສັນຍາແມ່ສະຫະປະຊາຊາດ ກ່ຽວກັບການປ່ຽນແປງຂອງດິນຟ້າອາກາດ - COP 29, ຢູ່ Baku, ອາແຊັກໄບຊານ, ບັນດາປະເທດພັດທະນາໃຫ້ຄຳໝັ້ນສັນຍາຈະເບີກຈ່າຍຈຳນວນເງິນຢ່າງໜ້ອຍສຸດ 300 ຕື້ USD/ປີ ນັບແຕ່ນີ້ຮອດປີ 2035, ເພື່ອຊ່ວຍໃຫ້ບັນດາປະເທດພວມພັດທະນາ “ຫັນເປັນສີຂຽວ” ພື້ນຖານເສດຖະກິດ ແລະ ຍົກສູງກຳລັງຄວາມສາມາດຮັບມືກັບໄພພິບັດທຳມະຊາດ. ນອກນັ້ນ, ເກືອບ 200 ປະເທດເຂົ້າຮ່ວມ COP 29 ກໍ່ບັນລຸຂໍ້ຕົກລົງກ່ຽວກັບບັນດາຫຼັກການໃຫ້ແກ່ຕະຫຼາດຢັ້ງຢືນກາກບອນທົ່ວໂລກ. ໂດຍໃຫ້ຂໍ້ສັງເກດກ່ຽວກັບຂໍ້ຕົກລົງດັ່ງກ່າວ, ວັນທີ 24 ພະຈິກ, ທ່ານເລຂາທິການໃຫຍ່ສະຫະປະຊາຊາດ Antonio Guterres ຖືວ່າ, ຂໍ້ຕົກລົງນີ້ຍັງບໍ່ທັນບັນລຸໄດ້ຕາມຄວາມຫວັງ. ເຖິງຢ່າງໃດກໍ່ຕາມ, ທ່ານກໍ່ຮຽກຮ້ອງໃຫ້ບັນດາປະເທດ ຖືນີ້ແມ່ນພື້ນຖານເພື່ອສ້າງຄຳໝັ້ນສັນຍາດ້ານດິນຟ້າອາກາດຕໍ່ໄປ, ພ້ອມທັງເນັ້ນໜັກເຖິງຄວາມຈຳເປັນຕ້ອງ “ເຄົາລົບການປະຕິບັດຢ່າງຄົບຖ້ວນ ແລະ ຖືກກຳນົດເວລາ” ຂອງຂໍ້ຕົກລົງດັ່ງກ່າວ.

(ແຫຼ່ງຄັດຈາກ VOV)

ນາຍົກລັດຖະມົນຕີ ເລມິງຮຶງ ເປັນປະທານພິທີຕ້ອນຮັບນາຍົກລັດຖະມົນຕີ ໄທຢ່າງເປັນທາງການ

08/06/2026
ຂ່າວສານ

ພາຍຫຼັງພິທີຕ້ອນຮັບ, ນາຍົກລັດຖະມົນຕີ ສອງທ່ານໄດ້ນຳໜ໊າຄະນະຜູ້ແທນຂັ້ນສູງສອງປະເທດດຳເນີນການເຈລະຈາເພື່ອແນໃສ່ຕີລາຄາໝາກຜົນຂອງການຮ່ວມມືລະຫວ່າງສອງປະເທດໃນໄລຍະຜ່ານມາ ແລະ ສະເໜີບັນດາທິດທາງຮ່ວມມືໃນໄລຍະຈະມາເຖິງ.