Army Games-2019: ຫວຽດນາມ ຍາດໄດ້ອັນດັບທີ 2 ໃນປະເພດແຂ່ງລົດຖັງ

ໃນຂອບເຂດງານແຂ່ງຂັນການທະຫານສາກົນ 2019 (Army Games - 2019), ວັນທີ 15 ສິງຫາ, ຢູ່ສະໜາມຝຶກແອບ Alabino, ຢູ່ຊານນະຄອນຫລວງ ມົດສະກູ ໄດ້ດຳເນີນຮອບຊີງຊະນະເລີດສາຍ 2 ການແຂ່ງລົດຖັງຍິງເປົ້າໝາຍ, ຜ່ານຜ່າສິ່ງກີດຂວາງ ແລະ ແຂ່ງຂັນຄວາມໄວ (Tand Biathlon), ລວມມີບັນດາທິມ ຫວຽດນາມ, ອູກັນດາ, ອຸດສະເບກິດສຖານ, ກູບາ. ດ້ວຍຜົນງານ 2 ຊົ່ວໂມງ 25 ນາທີ 03 ວິນາທີ, ທິມ ຫວຽດນາມ ຍາດໄດ້ອັນດັບທີ 2. ນີ້ແມ່ນຜົນງານທີ່ເປັນໜ້າປະທັບໃຈຂອງທິມ ຫວຽດນາມ ເມື່ອຫາກໍ່ເຂົ້າຮ່ວມການແຂ່ງຂັນນີ້ເປັນຄັ້ງທີ 2. ເມື່ອຕີລາຄາກ່ຽວກັບໝາກຜົນຂອງທິມ ຫວຽດນາມ, ທ່ານພົນໂທ ຟານວັນຢາງ ໃຫ້ຮູ້ວ່າ:

“ຂ້າພະເຂົ້າມີຄວາມເບີກບານມ່ວນຊື່ນ ແລະ ເພິ່ງພໍໃຈຕໍ່ຜົນງານດັ່ງກ່າວ, ຂ້າພະເຈົ້າຫວັງວ່າ ບັນດານັກຮົບລົດຖັງຈະມານະພະຍາຍາມໃຫ້ຫລາຍກ່ວາອີກ ເພື່ອຍາດໄດ້ຜົນງານສູງກ່ວາ ບໍ່ພຽງແຕ່ຢູ່ໃນງານແຂ່ງຂັນການທະຫານເທົ່ານັ້ນ ຫາກຍັງເປັນກຳລັງບຸກຕີຂອງກຳລັງທະຫານບົກໃນການສູ້ຮົບປົກປັກຮັກສາປະເທດຊາດ. ນີ້ແມ່ນໂອກາດ ເພື່ອໃຫ້ພວກເຮົາເປີດກ້ວາງວິໄສທັດ, ເພີ່ມທະວີການພົວພັນກັບບັນດາປະເທດ. ”

Army Games 2019 ໄດ້ດຳເນີນໃນລະຫວ່າງວັນທີ 3 – 17 ສິງຫາ, Tand Biathlon ແມ່ນປະເພດແຂ່ງຂັນພົ້ນເດັ່ນ ດ້ວຍ 24 ປະເທດເຂົ້າຮ່ວມ, ແບ່ງເປັນ 2 ສາຍ.

(ແຫຼ່ງຄັດຈາກ VOV)