ທ່ານ ບູຍແທງເຊີນ ປະທານບັນດາເຈົ້າໜ້າທີ່ອາວຸໂສເວທີປາໄສ
ຮ່ວມມືເສດຖະກິດ ອາຊີ - ປາຊີຟິກ 2017
ກອງປະຊຸມຄັ້ງທີ 1 ບັນດາເຈົ້າໜ້າທີ່ອາວຸໂສ (SOM 1) ເວທີປາໄສຮ່ວມມືເສດຖະກິດ ອາຊີ - ປາຊີຟິກ (APEC) 2017 ຖືກໄຂຂຶ້ນໃນຕອນເຊົ້າວັນທີ 02/03 ຢູ່ນະຄອນ ຍາຈາງ ແຂວງ ແຄ໋ງຮ່ວາ. ທ່ານຮອງລັດຖະມົນຕີຜູ້ປະຈຳກະຊວງການຕ່າງປະເທດ ຫວຽດນາມ ບູຍແທງເຊີນ ປະທານບັນດາເຈົ້າໜ້າທີ່ອາວຸໂສເວທີປາໄສຮ່ວມມືເສດຖະກິດ ອາຊີ - ປາຊີຟິກ 2017 - ປະທານ SOM APEC 2017, ເປັນປະທານກອງປະຊຸມ, ດ້ວຍການເຂົ້າຮ່ວມຂອງບັນດາຜູ້ແທນທີ່ມາຈາກ 21 ພື້ນຖານເສດຖະກິດສະມາຊິກ APEC. ກ່າວຄຳເຫັນໄຂກອງປະຊຸມ ທ່ານບູຍແທງເຊີນ ໃຫ້ຮູ້ວ່າ ໃນ 12 ວັນຜ່ານມາ, ບັນດາກອງປະຊຸມຂອງກຸ່ມປະຕິບັດງານ, ຄະນະກຳມະການໄດ້ປຶກສາຫາລືກ່ຽວກັບບັນດາບຸລິມະສິດ ແລະ ແຜນການລະອຽດໃຫ້ປີ APEC 2017. ໝາກຜົນກອງປະຊຸມຄັ້ງທີ 1 ບັນດາເຈົ້າໜ້າທີ່ອາວຸໂສ (SOM 1) ຈະແມ່ນສານທີ່ເຂັ້ມແຂງ, ຢັ້ງຢືນບົດບາດສຳຄັນຂອງ APEC ໃນການຊອກຫາບັນດາຂໍ້ລິເລີ່ມ, ຊຸກຍູ້ບັນດາຈຸດໝາຍລວມ ໜູນຊ່ວຍປະຊາຊົນ ແລະ ປະຊາຄົມວິສາຫະກິດ.ຮ່ວມມືເສດຖະກິດ ອາຊີ - ປາຊີຟິກ 2017
ໃນມື້ເຮັດວຽກທຳອິດຂອງກອງປະຊຸມຄັ້ງທີ 1 ບັນດາເຈົ້າໜ້າທີ່ອາວຸໂສ APEC (SOM 1 ), ບັນດາຜູ້ແທນຮັບຟັງບົດລາຍງານໂດຍຫຍໍ້ກ່ຽວກັບບັນດາໝາກຜົນຕົ້ນຕໍຂອງກອງປະຊຸມບັນດາເຈົ້າໜ້າທີ່ອາວຸໂສບໍ່ເປັນທາງການ; ລາຍງານກ່ຽວກັບວຽກງານຂອງວິວັດການລັດຖະມົນຕີການເງິນປີ 2017; ປະທານຄະນະກຳມະການເສດຖະກິດລາຍງານໝາກຜົນຂອງ ກອງປະຊຸມຜ່ານມາ ແລະ ບັນດາບຸລິມະສິດໃນປີ 2017 ແລະ ການປະຕິບັດແຜນການຂອງແຕ່ລະສະມາຊິກໃນວິວັດການເຮັດວຽກໃໝ່ຂອງ APEC ກ່ຽວກັບການປະຕິຮູບໂຄງປະກອບ.
ຢູ່ນອກກອງປະຊຸມ, ບັນດາຜູ້ແທນທີ່ມາຈາກ 21 ພື້ນຖານເສດຖະກິດສະມາຊິກລ້ວນແຕ່ຖືວ່າ: ຫວຽດນາມ ມີບົດບາດສຳຄັນໃນວິວັດທະນາການຮ່ວມມື ແລະ ພັດທະນາຂອງ APEC. ເຂົາເຈົ້າສະແດງໃຫ້ເຫັນຄວາມເຊື່ອໝັ້ນຕໍ່ປີ APEC ສຳເລັດຜົນ, ສືບຕໍ່ຢືນຢັນວ່າ ແມ່ນກົນໄກຮ່ວມມື, ຮ່ວມສຳພັນເສດຖະກິດແຖວໜ້າຢູ່ພາກພື້ນ, ປະກອບສ່ວນຮັກສາ ອາຊີ - ປາຊີຟິກ ແມ່ນກຳລັງໜູນຂອງການເຕີບໂຕ ແລະ ຮ່ວມສຳພັນເສດຖະກິດໃນທົ່ວໂລກ.
(ແຫຼ່ງຄັດຈາກ VOV)
