ທ່ານນາງ ປານີ ຢາທໍ່ຕູ້  ປະທານສະພາແຫ່ງຊາດ ສປປ ລາວ (ພາບ: TTXVN) 

ພາຍຫຼັງ ເຮັດວຽກຢ່າງຕັ້ງໜ້າມາເປັນເວລາ 3 ວັນ, ຕອນບ່າຍວັນທີ 10 ກັນຍາ, ກອງປະຊຸມສະມັດຊາໃຫຍ່ AIPA 41 ໄດ້ອັດລົງດ້ວຍຜົນສຳເລັດຢ່າງຈົບງາມ. ພາຍຫຼັງ ອັດກອງປະຊຸມ, ໃນບົດຕອບສຳພາດຕໍ່ນັກຂ່າວ ສຳນັກຂ່າວສານ ຫວຽດນາມ ປະຈຳ ວຽງຈັນ ທ່ານນາງ ປານີ ຢາທໍ່ຕູ້  ປະທານສະພາແຫ່ງຊາດ ສປປ ລາວ ໄດ້ຕີລາຄາສູງຕໍ່ບັນດາເນື້ອໃນເຊິ່ງປະເທດເຈົ້າພາບໄດ້ຍົກອອກມາປຶກສາຫາລືຢູ່ກອງປະຊຸມ ແລະ ບັນດາເນື້ອໃນເຫຼົ່ານີ້ ລ້ວນແຕ່ໄດ້ຮັບຄວາມເຫັນດີເປັນເອກະພາບວ່າ ແມ່ນບັນດາບັນຫາສຳຄັນຂອງພາກພື້ນ, ຕອບສະໜອງໄດ້ຕາມຄວາມມຸ່ງມາດປາດຖະໜາຂອງປະຊາຊົນ ອາຊຽນ.

ທີ່ກອງປະຊຸມຄັ້ງນີ້, ລາວຕີລາຄາສູງຕໍ່ຄວາມສາມາດໃນການຈັດຕັ້ງ AIPA 41 ຂອງ ສະພາແຫ່ງຊາດຫວຽດນາມ, ທ່ານນາງ ປານີ ຢາທໍ່ຕູ້  ຖືວ່າ ກອງປະຊຸມໂດຍຫວຽດນາມ ຈັດຕັ້ງຄັ້ງນີ້, ໄດ້ຍົກອອກຂໍ້ລິເລີ່ມຫຼາຍທີ່ສຸດ. ຫວຽດນາມ ໄດ້ມານະພະຍາຍາມປະຕິບັດບົດບາດປະທານເປັນຢ່າງດີ, ມີກົນໄກປຶກສາຫາລືກັບບັນດາປະເທດສະມາຊິກ AIPA ດີທີ່ສຸດ, ເຊິ່ງເປັນສິ່ງທີ່ຊ່ວຍໃຫ້ກອງປະຊຸມຮັບຮອງເອົາບັນດາມະຕິຕົກລົງແຕກຕ່າງກັນໂດຍໄວ ແລະ ດ້ວຍຄວາມເຫັນດີເປັນເອກະພາບສູງ, ນີ້ແມ່ນຂໍ້ລິເລີ່ມທີ່ດີ.

(ແຫຼ່ງຄັດຈາກ VOV)