ບັນດາຜູ້ແທນ ຕັດແຖບຜ້າໄຂງານວາງສະແດງ ພາບຖ່າຍປະທານ ສຸພານຸວົງ - ເພື່ອນມິດທີ່ສະໜິດສະໜົມຂອງປະຊາຊົນ ຫວຽດນາມ

ງານວາງສະແດງໂດຍຫໍພິພິທະພັນ ປະທານໂຮ່ຈີມິນ ແລະ ຄະນະຮັບຜິດຊອບຫໍພິພິທະພັນໄກສອນ ພົມວິຫານໄດ້ສົມທົບກັນຈັດຕັ້ງຂຶ້ນ. ເຂົ້າຮ່ວມງານວາງສະແດງມີທ່ານ ວຽງໄຊ ດາລາແສນ ທີ່ປຶກສາທູດດ້ານການຕ່າງປະເທດ ສະຖານທູດ ສປປ.ລາວ ປະຈຳ ຫວຽດນາມ ພ້ອມກັບບັນດາຜູ້ຕາງໜ້າອົງການ, ສຳນັກງານ, ຄະນະຂະແໜງການຂັ້ນສູນກາງ, ຜູ້ຕາງໜ້າສະຖານທູດບັນດາປະເທດຕ່າງໆປະຈຳຢູ່ຮ່າໂນ້ຍ. ທ່ານ ຫວູແມ້ງຮ່າ ຜູ້ອຳນວຍການຫໍພິພິທະພັນໂຮ່ຈີມິນໃຫ້ຮູ້ວ່າ:

       "ນີ້ແມ່ນງານວາງສະແດງທີ່ມີຄວາມໝາຍສຳຄັນທີ່ສຸດ. ອີກຄັ້ງໜຶ່ງໄດ້ຢັ້ງຢຶນເຖິງໄມຕີຈິດມິດຕະພາບລະຫວ່າງ ປະຊາຊົນ ຫວຽດນາມ ແລະ ປະຊາຊົນ ລາວ ເຊິ່ງໄດ້ຮັບການເພີ່ມພູນຄູນສ້າງຈາກບັນດາການນຳລຸ້ນຕ່າງໆ ແຕ່ສະໄໝ ປະທານໂຮ່ຈີມິນ, ປະທານສຸພານຸວົງ, ທ່ານເລຂາທິການໃຫຍ່ ໄກສອນ ພົມວິຫານ ແລະ ນ້ຳໃຈໄມຕີຈິດມິດຕະພາບນັ້ນນັບມື້ນັບໄດ້ຮັບການພັດທະນາ ແລະ ໝັ້ນຄົງ ທະນົງແກ່ນ ຊົ່ວກາລະນານ. ຜ່ານບັນດາຮູບພາບ, ເອກະສານນີ້ຈະສ້າງຄວາມສະໜິດຕິດພັນ, ຄວາມເຂົ້າໃຈເຊິ່ງກັນແລະ ກັນລະຫວ່າງ ປະຊາຊົນສອງປະເທດ ຫວຽດນາມ - ລາວ, ກໍ່ຄືເກັບກຳ ບັນດາເອກະສານຂອງບັນດານັກປະຕິວັດ ຫວຽດນາມ ແລະ ລາວຕື່ມອີກ".

ດ້ວຍພາບຖ່າຍ, ເອກະສານ, ວັດຖຸພັນ ກ່ວາ 100 ຢ່າງ ໄດ້ແນະນຳຢູ່ທີ່ງານວາງສະແດງມະຫາຊົນຈະຮູ້ສຶກໄດ້ຢ່າງຈະແຈ້ງກ່ວາກ່ຽວກັບນ້ຳໃຈແຫ່ງຄວາມເປັນມິດທີ່ເລິກເຊິ່ງ ປະທານ ສຸພານຸວົງໄດ້ຈາລຶກໄວ້ຢູ່ດິນແດນປະເທດ ຫວຽດນາມ, ຜ່ານນັ້ນໄດ້ສະແດງໃຫ້ເຫັນນ້ຳໃຈໄມຕີຈິດມິດຕະພາບອັນຍາວນານ, ໝັ້ນແກ່ນລະຫວ່າງປະຊາຊົນສອງປະເທດອ້າຍນ້ອງ ລາວ - ຫວຽດນາມຕື່ມອີກ.

(ແຫຼ່ງຄັດຈາກ VOV)