ຂ່າວສານ

ໂລກລະບາດCovid– 19: ເລຂາທິການໃຫຍ່ສປຊ ຮຽກຮ້ອງໃຫ້ທົ່ວໂລກສົມທົບກັນເພື່ອແນໃສ່ຮັບມືກັບໂລກລະບາດCovid– 19

21/03/2020

ວັນທີ 19 ມີນາ, ທ່ານ Antonio Guterres ເລຂາທິການໃຫຍ່ສປຊ ໄດ້ກ່າວເຕືອນວ່າຖ້າຫາກວ່າບໍ່ມີການຄວບຄຸມຢ່າງທັນການ, ອາດຈະມີປະຊາຊົນຫຼາຍລ້ານຄົນຢູ່ບັນດາປະເທດທຸກຍາກເສຍຊີວິດຍ້ອນເຊື້ອໄວຣັດ SARS –CoV– 2.

ທ່ານ Antonio Guterres ເລຂາທິການໃຫຍ່ ສະຫະປະຊາຊາດ (ພາບ: THX/TTXVN)

ຕາມນັ້ນແລ້ວ, ທ່ານກໍ່ຮຽກຮ້ອງໃຫ້ທົ່ວໂລກ ສົມທົບກັນຮັບມືກັບໂລກລະບາດ. ຕາມທ່ານAntonio Guterresແລ້ວ, ບັນດາປະເທດຄວນຢຸດຕິການນຳໃຊ້ຍຸດທະສາດການແພດສະເພາະ, ແທນທີ່ນັ້ນແມ່ນຕ້ອງມີຄວາມໂປ່ງໃສ, ທົ່ວໂລກສົມທົບກັນເພື່ອຊ່ວຍເຫຼືອບັນດາປະເທດທີ່ຍັງບໍ່ທັນກຽມພ້ອມໃຫ້ແກ່ວິກິດການດັ່ງກ່າວ.

ສ່ວນການໜູນຊ່ວຍດ້ານເສດຖະກິດໃນທົ່ວໂລກ, ທ່ານAntonio Guterresຖືວ່າໂລກຕ້ອງສຸມໃສ່ຊ່ວຍເຫຼືອບັນດາກຸ່ມທີ່ມີຄວາມສ່ຽງສູງກ່ວາໝູ່, ໃນນັ້ນມີ: ຜູ້ອອກແຮງງານທີ່ມີລາຍຮັບຕ່ຳ, ວິສາຫະກິດຂະໜາດນ້ອຍແລະກາງ. ກອງທຶນເງິນຕາສາກົນ(IMF), ທະນາຄານໂລກ (WB) ແລະບັນດາລະບອບລະບຽບການດ້ານການເງິນຕ່າງໆໄດ້ສວມບົດບາດສຳຄັນໃນການໜູນຊ່ວຍດ້ານການເງິນໃຫ້ແກ່ບັນດາປະເທດທີ່ພວມປະສົບກັບຄວາມຫຍຸ້ງຍາກ.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.