ທ່ານເລຂາທິການໃຫຍ່ຫງວຽນຟຸຈ້ອງຕ້ອນຮັບທ່ານປະທານສະພາແຫ່ງຊາດສີລັງກາ Karu Jayauriya

(ພາບ: VOV)

ຊົມເຊີຍທ່ານປະທານສະພາແຫ່ງຊາດສີລັງການທີ່ມາຢ້ຽມຢາມຫວຽດນາມຢ່າງເປັນທາງການ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸຈ້ອງ ຢືນຢັນວ່າ ການມາຢ້ຽມຢາມ ມີຄວາມໝາຍສຳຄັນ, ປະກອບສ່ວນເຂົ້າໃນການປັບປຸງ, ເຮັດໃຫ້ການພົວພັນຮ່ວມມືຫຼາຍດ້ານລະຫວ່າງ ສີລັງກາ - ຫວຽດນາມ ເລິກເຊິ່ງຂຶ້ນຕື່ມ. ທ່ານເລຂາທິການໃຫຍ່ ຫງວຽນຟຸຈ້ອງ ເນັ້ນໜັກວ່າ ຫວຽດນາມຍາມໃດກໍສະໜັບສະໜູນການພົວພັນຮ່ວມມືກັບບັນດາພັກການເມືອງຢູ່ສີລັງກາ, ສະໜັບສະໜູນເລື່ອງສອງປະເທດແລກປ່ຽນຄະນະຜູ້ແທນຂັ້ນສູງ, ເພີ່ມທະວີການພົວພັນດ້ວຍທຸກທາງຝ່າຍ, ໃນນັ້ນມີທາງຝ່າຍຂອງພັກ, ລັດຖະບານ, ສະພາແຫ່ງຊາດ ແລະ ການພົວພັນຕ່າງປະເທດປະຊາຊົນ.

        ສ່ວນທ່ານປະທານສະພາແຫ່ງຊາດສີລັງກາ Karu Jayauriya  ຖືວ່າ ສອງຝ່າຍຍັງມີຄວາມສາມາດບົ່ມຊ້ອນຮ່ວມມືຢ່າງຫຼວງຫຼາຍ, ໂດຍສະເພາະແມ່ນໃນບັນດາຂົງເຂດຄື ການທ່ອງທ່ຽວ, ການບິນ, ການພົບປະແລກປ່ຽນປະຊາຊົນ, ຊາວໜຸ່ມ, ວັດທະນະທຳພຸດທະສາສະໜາ; ການແລກປ່ຽນບົດຮຽນໃນການພັດທະນາເສດຖະກິດ, ສັງຄົມ… ສີລັງກາ ກໍປາດຖະໜາວ່າ ການນຳຂັ້ນສູງສອງປະເທດຈະຕັ້ງໜ້າຊຸກຍູ້ການພົວພັນມິດຕະພາບທີ່ເປັນມູນເຊື້ອອັນດີງາມ ເພື່ອຜົນປະໂຫຍດຂອງປະຊາຊົນສອງປະເທດ.

(ແຫຼ່ງຄັດຈາກ VOV)