ເນື້ອໃນຂອງສານມີຕອນຂຽນວ່າ : ໂດຍແມ່ນເພື່ອນ, ແມ່ນສະຫາຍອ້າຍນ້ອງສະໜິດສະໜົມ ມີອຸດົມການຮ່ວມ, ຫວຽດນາມ ຍາມໃດກໍພ້ອມແລ້ວທີ່ຈະຮ່ວມສຸກຮ່ວມທຸກພ້ອມກັບ ພັກປະຊາຊົນປະຕິວັດລາວ ແລະ ປະຊາຊົນລາວອ້າຍນ້ອງ. ຫວຽດນາມເຊື່ອແນວ່າ ໂດຍພາຍໃຕ້ການຊີ້ນຳນຳພາຂອງ ພັກປະຊາຊົນປະຕິວັດລາວ, ປະຊາຊົນລາວບັນດາເຜົ່າຈະສືບຕໍ່ຍາດໄດ້ບັນດາຜົນງານໃໝ່ທີ່ຍິ່ງໃຫຍ່ກ່ວາເກົ່າໃນກິດຈະການປ່ຽນແປງໃໝ່, ປົກປັກຮັກສາ ແລະ ສ້າງສາປະເທດຊາດ, ປະຕິບັດມະຕິ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວຢ່າງມີໄຊ, ສ້າງປະເທດລາວສັນຕິບ, ເອກະລາດ, ປະຊາທິປະໄຕ, ເອກະພາບ, ວັດທະນາຖາວອນຢ່າງສຳເລັດຜົນຕາມເປົ້າໝາຍສັງຄົມນິຍົມ.
ພັກ, ລັດ ແລະ ປະຊາຊົນຫວຽດນາມຢືນຢັນວ່າ ໃນທຸກສະພາບການໃດໆ ກໍຈະເຮັດຈົນສຸດຄວາມສາມາດຂອງຕົນ ພ້ອມກັບ ພັກ, ລັດ ແລະ ປະຊາຊົນລາວ ເພື່ອຮັກສາ, ເສີມສ້າງ ແລະ ຖ່າຍທອດໃຫ້ລຸ່ນຄົນໃນອະນາຄົດ ກ່ຽວກັບສາຍພົວພັນສາມັກຄີແບບພິເສດຫວຽດນາມ-ລາວ.
ເນື່ອງໃນໂອກາດນີ້, ບັນດາຄະນະຂອງພັກ, ກະຊວງ, ຂະແໜງການຕ່າງໆ, ແນວໂຮມປະເທດຊາດຫວຽດນາມ, ບັນດາອົງການຈັດຕັ້ງມະຫາຊົນ, ສູນກາງສະມາຄົມມິດຕະພາບຫວຽດນາມ-ລາວ ກໍໄດ້ສົ່ງສານອວຍພອນເຖິງ ບັນດາຄະນະຂອງພັກ, ກະຊວງ, ຂະແໜງການຕ່າງໆ, ສູນກາງແນວລາວສ້າງຊາດ, ບັນດາອົງການຈັດຕັ້ງມະຫາຊົນ, ສູນກາງສະມາຄົມມິດຕະພາບ ລາວ-ຫວຽດນາມ ເພື່ອອວຍພອນ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວ.
