ທ່ານເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ ໄດ້ໃຫ້ການຕ້ອນຮັບທ່ານ ຫວໍວັນເຖືອງ
ຫົວໜ້າຄະນະໂຄສະນາສຶກສາສູນກາງພັກກອມມູນິດ ຫວຽດນາມ
ນະທີ່ນີ້, ທ່ານຫົວໜ້າຄະນະໂຄສະນາສຶກສາສູນກາງພັກກອມມູນິດ ຫວຽດນາມ ຫວໍວັນເຖືອງ ໄດ້ສະແດງຄວາມເສົ້າສະຫລົດໃຈຢ່າງສຸດຊີງ ແລະ ສົ່ງຄຳຢື້ຢາມຖາມຂ່າວຢ່າງຈິງໃຈເຖິງພັກ, ລັດ ແລະ ປະຊາຊົນ ລາວ ຢູ່ເຂດປະສົບເຄາະຮ້າຍ ຍ້ອນເຂື່ອນກັ້ນນ້ຳແຕກ; ທ່ານ ຫວໍວັນເຖືອງ ສະແດງຄວາມເຊື່ອໝັ້ນວ່າ ພາຍໃຕ້ການຊີ້ນຳນຳພາຂອງພັກປະຊາຊົນປະຕິວັດ ລາວ, ປະຊາຊົນ ລາວ ຢູ່ເຂດປະສົບເຄາະຮ້າຍ ຈະແກ້ໄຂຜົນຮ້າຍຢ້ອນຫລັງ, ຟື້ນຟູການຜະລິດ ແລະ ກັບຄືນສູ່ຊີວິດເປັນປົກກະຕິໂດຍໄວ.
ເມື່ອແລກປ່ຽນກ່ຽວກັບການພົວພັນ ຫວຽດນາມ - ລາວ, ທ່ານ ຫວໍວັນເຖືອງ ຢືນຢັນວ່າ ຫວຽດນາມ ຈະເຮັດຈົນສຸດຄວາມສາມາດຂອງຕົນ ພ້ອມກັບລາວ ຮັກສາ, ເພີ່ມພູນຄູນສ້າງ ແລະ ຖ່າຍຖອດໃຫ້ບັນດາຄົນລຸ້ນຫລັງກ່ຽວກັບການພົວພັນແບບພິເສດ ຫວຽດນາມ - ລາວ.ສ່ວນທ່ານເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ ປາດຖະໜາວ່າ: ຄະນະໂຄສະນາສຶກສາສູນກາງພັກ 2 ປະເທດ ຈະສືບຕໍ່ເພີ່ມທະວີການແບ່ງປັນຂໍ້ມູນຂ່າວສານ, ແລກປ່ຽນບັນດາຫົວເລື່ອງສະເພາະ ແລະ ຫົວເລື່ອງຄົ້ນຄວ້າ ເຊິ່ງຕ່າງຝ່າຍຕ່າງມີຄວາມສົນໃຈ ເພື່ອເຮັດແຈ້ງບັນດາບັນຫາຮີບດ່ວນ ທີ່ໄດ້ ແລະ ພວມວາງອອກໃນກິດຈະການປ່ຽນແປງໃໝ່, ສ້າງສາ ແລະ ປົກປັກຮັກສາປະເທດຊາດຂອງແຕ່ລະປະເທດ.
(ແຫຼ່ງຄັດຈາກ VOV)
