ຂ່າວສານ
ຫວຽດນາມ ເຄົາລົບນັບຖືການຊ່ວຍເຫຼືອທີ່ແທດຈິງ, ທັນການຂອງເພື່ອນມິດສາກົນໃນບັ້ນຕໍ່ສູ້ຕ້ານໂລກລະບາດໂຄວິດ - 19
ວັນທີ 21 ກໍລະກົດ, ຕາມແຫຼ່ງຂ່າວຈາກກະຊວງການຕ່າງປະເທດຫວຽດນາມ ໃຫ້ຮູ້ວ່າ, ນັບແຕ່ຊຸມວັນທຳອິດທີ່ໂລກລະບາດໂຄວິດ - 19 ແຜ່ລະບາດໃນທົ່ວໂລກ ແລະ ຢູ່ພາຍໃນປະເທດ, ຫວຽດນາມ ໄດ້ຮັບການໜູນຊ່ວຍ, ຊ່ວຍເຫຼືອອັນລ້ຳຄ່າຈາກປະຊາຊົນ, ລັດຖະບານບັນດາປະເທດ ແລະ ບັນດາອົງການຈັດຕັ້ງສາກົນກ່ຽວກັບການປະກອບວັດຖຸ, ອຸປະກອນການແພດ ຮັບໃຊ້ວຽກງານປ້ອງກັນ, ສະກັດກັ້ນໂລກລະບາດ. ການຊ່ວຍເຫຼືອທີ່ເຕັມໄປດ້ວຍນ້ຳຈິດມິດໃຈນັ້ນ ໄດ້ປະກອບສ່ວນເຂົ້າໃນຜົນສຳເລັດຂອງ ຫວຽດນາມ ໃນການປ້ອງກັນ, ສະກັດກັ້ນໂລກລະບາດ ໂຄວິດ - 19.
ໃນສະພາບການໂລກລະບາດສືບຕໍ່ມີການຜັນແປຢ່າງສັບສົນ, ປະກົດມີໄວຣັດກາຍພັນໃໝ່ຫຼາຍລຸ້ນທີ່ອັນຕະລາຍກວ່າ ແລະ ມີລະດັບການແຜ່ລາມໄວກວ່າ, ລັດຖະບານ ຫວຽດນາມ ຢືນຢັນວ່າ ການສຳຜັດກັບວັກຊິນແຫຼ່ງຕ່າງໆ ແລະ ດຳເນີນບັ້ນສັກວັກຊິນໃນວົງກວ້າງ ແມ່ນມາດຕະການສຳຄັນ ແລະ ຮີບດ່ວນ. ບົນພື້ນຖານນັ້ນ, ວຽກງານ “ການທູດວັກຊິນ” ຈຶ່ງໄດ້ຮັບການຜັນຂະຫຍາຍ ແລະ ບັນລຸໄດ້ບັນດາໝາກຜົນສຳຄັນ ໃນນັ້ນ ຫວຽດນາມ ໄດ້ຮັບວັກຊິນກັນພະຍາດໂຄວິດ - 19 ກວ່າ 8 ລ້ານໂດສ ໃນຈຳນວນວັກຊິນທັງໝົດທີ່ໄດ້ໃຫ້ຄຳໝັ້ນສັນຍາແມ່ນ 150 ລ້ານໂດສ ໂດຍຜ່ານການເຈລະຈາຊື້ ແລະ ອຸປະຖຳ.ພັກ, ລັດ, ລັດຖະບານ ແລະ ປະຊາຊົນ ຫວຽດນາມ ຍາມໃດກໍເຄົາລົບນັບຖືຕໍ່ການຊ່ວຍເຫຼືອທີ່ແທດຈິງ, ທັນການຂອງເພື່ອນມິດສາກົນໃນການຕໍ່ສູ້ຕ້ານໂລກລະບາດໂຄວິດ - 19.
(ແຫຼ່ງຄັດຈາກ VOV)
