ຂ່າວສານ

ຫວຽດນາມຮັບດຳລົງຕຳແໜ່ງເປັນປະທານໝູນວຽນສະມາຄົມການແພດບັນດາປະເທດອາຊີຕາເວັນອອກສ່ຽງໃຕ້ອາຍຸການ 2018 – 2020

05/05/2018

ຕອນບ່າຍວັນທີ 03 ພຶດສະພາ, ຢູ່ຮ່າໂນ້ຍ, ສະມາຄົມໃຫຍ່ການແພດຫວຽດນາມ ໄດ້ສົມທົບກັບບັນດາສະມາຄົມການແພດບັນດາປະເທດອາຊີຕາເວັນອອກສ່ຽງໃຕ້ ຈັດກອງປະຊຸມການແພດບັນດາປະເທດອາຊີຕາເວັນອອກສ່ຽງໃຕ້ ຄັ້ງທີ 18 ດ້ວຍຫົວຂໍ້ວ່າ “ມອບສິດຊົດເຊີຍປະກັນໄພ ແລະ ເລື່ອງຈົດທະບຽນໃບຢັ້ງຢືນປະຕິບັດອາຊີບໃນພາກພື້ນອາຊີຕາເວັນອອກສ່ຽງໃຕ້”.

ທ່ານຮອງນາຍົກລັດຖະມົນຕີ ຫວູດຶກດາມ
(ພາບ: TTXVN)

ກອງປະຊຸມແມ່ນໂອກາດເພື່ອໃຫ້ບັນດາສະມາຄົມການແພດບັນດາປະເທດອາຊຽນ ແລກປ່ຽນ, ພົບປະແລກປ່ຽນ, ແບ່ງປັນບົດຮຽນໃນການເຄື່ອນໄຫວ.

ທີ່ກອງປະຊຸມ, ທ່ານນາງປະທານສະມາຄົມໃຫຍ່ການແພດຫວຽດນາມ ຫງວຽນທິຊວຽນ ໄດ້ຮັບດຳລົງຕຳແໜ່ງເປັນປະທານໝູນວຽນສະມາຄົມການແພດບັນດາປະເທດອາຊີຕາເວັນອອກສ່ຽງໃຕ້ ອາຍຸການ 2018 – 2020.
ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຫວູດຶກດາມ ຢືນຢັນວ່າ, ລັດຖະບານຫວຽດນາມ ຍາມໃດກໍ່ຕີລາຄາສູງ ແລະ ເຄົາລົບບັນດາຄວາມມານະພະຍາຍາມຂອງແພດ, ໝໍຫວຽດນາມ ລຸ້ນຕ່າງໆ; ຍາມໃດກໍ່ຖືສະມາຄົມໃຫຍ່ການແພດຫວຽດນາມ ແມ່ນອົງການຈັດຕັ້ງສຳຄັນພິເສດ. ທ່ານຮອງນາຍົກລັດຖະມົນຕີປາດຖະໜາວ່າ, ສະມາຄົມໃຫຍ່ການແພດຫວຽດນາມ ສືບຕໍ່ສືມຂະຫຍາຍບົດບາດຂອງຕົນໃນການປະກອບສ່ວນເຂົ້າໃນການເຄື່ອນໄຫວຂອງສະມາຄົມການແພດບັນດາປະເທດອາຊີຕາເວັນອອກສ່ຽງໃຕ້ກວ່າອີກ ແລະ ພ້ອມກັບບັນດາປະເທດອາຊຽນ ປະຕິບັດບັນດາຄາດໝາຍສົ່ງເສີມສຸຂະພາບໃຫ້ແກ່ມະນຸດ.

(ແຫຼ່ງຄັດຈາກ VOV)

ການສົ່ງອອກເຄື່ອງເອເລັກໂຕນິກມຸ່ງໄປເຖິງເປົ້າໝາຍບັນລຸ 145 ຕື້ USD

17/09/2025
ຂ່າວສານ

ໃນສະພາບການພູມສາດການເມືອງ ແລະ ເຕັກໂນໂລຢີທົ່ວໂລກ ມີການປ່ຽນແປງຢ່າງລຽນຕິດນັ້ນ, ຫວຽດນາມ ພວມຫັນປ່ຽນຈາກ “ໂຮງງານຜະລິດ” ກາຍເປັນສູນນະວັດຕະກໍາເຕັກໂນໂລຢີສູງຂອງພາກພື້ນ” ເທື່ອລະກ້າວ. ດ້ວຍວົງເງິນສົ່ງອອກເຄື່ອງເອເລັກໂຕນິກບັນລຸກວ່າ 125 ຕື້ USD ໃນປີ 2024 ແລະ ທ່າອຽງພວມເຕີບໂຕຢ່າງວ່ອງໄວ, ພ້ອມກັບການປະກົດຕົວຂອງສູນຄົ້ນຄວ້າ ແລະ ພັດທະນາ (R&D) ຕ່າງປະເທດທີ່ນັບມື້ນັບຫຼາຍ, ຫວຽດນາມ ພວມມຸ່ງໄປເຖິງເປົ້າໝາຍ ສົ່ງອອກເຄື່ອງເອເລັກໂຕນິກໃຫ້ບັນລຸ 145 ຕື້ USD.