• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ລັດເຊຍ ຢາກເພີ່ມທະວີການພົວພັນກັບ ອາຊຽນ ແລະ ຮ່ວມມືຢ່າງເລິກເຊິ່ງ ກັບ ຫວຽດນາມ

      ປີນີ້, ຄາດວ່າ ລັດເຊຍຈະສືບຕໍ່ເຈລະຈາ ແລະ ຮ່ວມມືດ້ານການເມືອງ ລົງເລິກ ກ່ຽວກັບບາງຫົວເລື່ອງ ແລະ ຂົງເຂດຕົ້ນຕໍ ຕາມເນື້ອໃນຈິດໃຈ ຖະແຫຼງການວິໄສທັດຮ່ວມ ວ່າດ້ວຍການພັດທະນາການພົວພັນຄູ່ຮ່ວມມືຍຸດທະສາດຮອບດ້ານ ຮອດປີ 2030ທີ່ໄດ້ຮັບຮອງເອົາໃນການຢ້ຽມຢາມລັດເຊຍ ຂອງ ປະທານປະເທດ ຫວຽດນາມ ຫງວຽນຊວັນຟຸກ ໃນທ້າຍປີ 2021.
ທ່ານລັດຖະມົນຕີກະຊວງການຕ່າງປະເທດ ລັດເຊຍ Sergei Lavrov (ພາບ: AFP/TTXVN)
      ວັນທີ 21 ມັງກອນ, ເມື່ອຕອບສຳພາດຕໍ່ນັກຂ່າວສຳນັກຂ່າວສານ ຫວຽດນາມ ປະຈຳ ລັດເຊຍ ກ່ຽວກັບທິດທາງ ທາງການທູດ ໃນປີ 2022, ທ່ານລັດຖະມົນຕີກະຊວງການຕ່າງປະເທດ ລັດເຊຍ Sergei Lavrov ຊີ້ແຈ້ງວ່າ ລັດເຊຍ “ເຫັນໄດ້ແງ່ຫວັງທີ່ດີໃນການເຮັດໃຫ້ການພົວພັນ ເລິກເຊິ່ງຂຶ້ນຕື່ມ, ການພົວພັນຕ່າງຝ່າຍຕ່າງມີຜົນປະໂຫຍດ ກັບ ທຸກປະເທດສະມາຊິກອາຊຽນ”. ລັດເຊຍ ເອົາໃຈໃສ່ ຕໍ່ກຳລັງຄວາມສາມາດໃນການຮ່ວມມືທາງດ້ານການເມືອງ ແລະ ຄວາມໝັ້ນຄົງ, ເສດຖະກິດ ແລະ ການຄ້າ, ວິທະຍາສາດ, ເຕັກໂນໂລຢີ; ພ້ອມທັງຫວັງວ່າຈະເພີ່ມທະວີການຮ່ວມມື ທາງດ້ານວັດທະນະທຳ, ມະນຸດສະທຳ ແລະ ເຊື່ອມຕໍ່ການແລກປ່ຽນການທ່ອງທ່ຽວພາຍຫຼັງ 2 ປີທີ່ໄດ້ຮັບຜົນສະທ້ອນຈາກພະຍາດໂຄວິດ -19.
      ກ່ຽວກັບການພົວພັນກັບ ຫວຽດນາມ ທ່ານ Sergei Lavrov ຊີ້ແຈ້ງວ່າ ລັດເຊຍຢາກມຸ່ງໄປເຖິງເປົ້າໝາຍເຮັດໃຫ້ການພົວພັນເລິກເຊິ່ງຂຶ້ນຕື່ມ. ປີນີ້, ຄາດວ່າ ລັດເຊຍຈະສືບຕໍ່ເຈລະຈາ ແລະ ຮ່ວມມືດ້ານການເມືອງ ລົງເລິກ ກ່ຽວກັບບາງຫົວເລື່ອງ ແລະ ຂົງເຂດຕົ້ນຕໍ ຕາມເນື້ອໃນຈິດໃຈ ຖະແຫຼງການວິໄສທັດຮ່ວມ ວ່າດ້ວຍການພັດທະນາການພົວພັນຄູ່ຮ່ວມມືຍຸດທະສາດຮອບດ້ານ ຮອດປີ 2030ທີ່ໄດ້ຮັບຮອງເອົາໃນການຢ້ຽມຢາມລັດເຊຍ ຂອງ ປະທານປະເທດ ຫວຽດນາມ ຫງວຽນຊວັນຟຸກ ໃນທ້າຍປີ 2021. ລັດເຊຍກໍ່ຮັບຮູ້ວ່າ ຄວນຊຸກຍູ້ການລົງທຶນ ແລະ ເປີດກ້ວາງການຮ່ວມມືໃນຂົງເຂດສຳຫຼວດ ແລະ ຂຸດຄົ້ນນ້ຳມັນຢູ່ສອງປະເທດ.ໄປຄຽງຄູ່ກັນນັ້ນ, ຄາດວ່າ ລັດເຊຍ  ຈະຈັດຕັ້ງເຫດການປີ ຫວຽດນາມເຄື່ອນໄຫວຢູ່ ລັດເຊຍ ແລະ ກົງກັນຂ້າມທີ່ຖືກໂຈະໄວ້ຍ້ອນພະຍາດໂຄວິດ - 19.
(ແຫຼ່ງຄັດຈາກ VOV)

WEF 2022: ຫວຽດນາມ ແມ່ນຄູ່ຮ່ວມມືຕັ້ງໜ້າຂອງປະຊາຄົມສາກົນ

WEF 2022: ຫວຽດນາມ ແມ່ນຄູ່ຮ່ວມມືຕັ້ງໜ້າຂອງປະຊາຄົມສາກົນ

ທ່ານຮອງນາຍົກລັດຖະມົນຕີ ຫວຽດນາມ ເລມິງຄ໊າຍ ພວມເຂົ້າຮ່ວມກອງປະຊຸມປະຈຳປີ 2022 ຂອງເວທີປາໄສເສດຖະກິດໂລກ (ກອງປະຊຸມ WEF 2022) ແຕ່ວັນທີ 22 ຫາວັນທີ 26 ພຶດສະພາ, ຢູ່ Davos, ປະເທດສະວິດ. ການເຂົ້າຮ່ວມກອງປະຊຸມ WEF Davos ແມ່ນໜຶ່ງໃນບັນດາການເຄື່ອນໄຫວພົວພັນຕ່າງປະເທດຫຼາຍຝ່າຍທີ່ເປັນຈຸດສຸມຂອງ ຫວຽດນາມ ໃນປີ 2022, ອັນໄດ້ສະແດງໃຫ້ເຫັນວ່າ ຫວຽດນາມ ຖືເປັນສຳຄັນ ແລະ ຊຸກຍູ້ການຮ່ວມມືກັບ WEF ກໍຄື ຄຳໝັ້ນສັນຍາຂອງ ຫວຽດນາມ ໃນການຮ່ວມແຮງຮ່ວມໃຈພ້ອມກັບປະຊາຄົມສາກົນແກ້ໄຂບັນດາບັນຫາທົ່ວໂລກ.

Top