ຂ່າວສານ

ລັດຖະບານ ອາເມລິກາ ແບ່ງປັນກັບ ຫວຽດນາມ ກ່ຽວກັບຜົນເສຍຫາຍຍ້ອນຝົນຕົກ, ນ້ຳຖ້ວມກໍ່ຂຶ້ນຢູ່ບັນດາແຂວງພາກກາງ

24/10/2020

ວັນທີ 22 ຕຸລາ, ທ່ານລັດຖະມົນຕີການຕ່າງປະເທດ ອາເມລິກາ Mike Pompeo ໄດ້ອອກຖະແຫຼງຂ່າວກ່ຽວກັບເລື່ອງລັດຖະບານ ອາເມລິກາ ແບ່ງປັນກັບ ຫວຽດນາມ ກ່ຽວກັບຜົນເສຍຫາຍຍ້ອນຝົນຕົກ, ນ້ຳຖ້ວມກໍ່ຂຶ້ນຢູ່ບັນດາແຂວງພາກກາງ.

(ພາບປະກອບ)

ຖະແຫຼງຂ່າວໃຫ້ຮູ້ວ່າ: ລັດຖະບານ ອາເມລິກາ ຂໍແບ່ງປັນຄວາມເສົ້າສະຫຼົດໃຈຢ່າງເລິກເຊິ່ງມາຍັງ ລັດຖະບານ ແລະ ປະຊາຊົນ ຫວຽດນາມ ຕໍ່ຜົນເສຍຫາຍດ້ານຊີວິດອິນຊີ ຍ້ອນຝົນຕົກນ້ຳຖ້ວມກໍ່ຂຶ້ນຢູ່ພາກກາງ ຫວຽດນາມ ເນື່ອງຈາກຜົນສະທ້ອນຂອງພະຍຸ Linfa. ລັດຖະບານ ອາເມລິກາ ພ້ອມແລ້ວທີ່ຈະໜູນຊ່ວຍ ຫວຽດນາມ ຮັບມືກັບຜົນເສຍຫາຍດັ່ງກ່າວ, ພ້ອມທັງສະແດງຄວາມເຫັນອົກເຫັນໃຈມາຍັງຜູ້ໄດ້ຮັບຜົນສະທ້ອນຍ້ອນໄພພິບັດທຳມະຊາດ, ລວມທັງປະຊາຊົນທີ່ມີເຮືອນຊານຖືກເສຍຫາຍນັບຫລາຍພັນຄົນ.

ອົງການພັດທະນາສາກົນອາເມລິກາ ໄດ້ຕັດສິນໃຈອຸປະຖຳມະນຸດສະທຳທີ່ມີມູນຄ່າ 200.000 USD ແນໃສ່ຊ່ວຍ ຫວຽດນາມ ແລະ ກຳປູເຈຍ ຮັບມືກັບຜົນສະທ້ອນຈາກຝົນຕົກ, ນ້ຳຖ້ວມ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.