ທ່ານນາງປະທານສະພາແຫ່ງຊາດ ຫງວຽນທິກີມເງິນ
ນຳໜ້າ ໄດ້ມາຮອດສະໜາມບິນ Vaclav Havel, ປຣາຮາ
ໃນຂອບເຂດການເດີນທາງຢ້ຽມຢາມ ລາຊະອານາຈັກ ຊູແອັດ, ຮຸງກາຣີ, ສ.ເຊັກໂກ ຢ່າງເປັນທາງການ ຕາມຄຳເຊີນຂອງທ່ານປະທານສະພາສູງ ສ.ເຊັກໂກ Milan Stec, ຕອນບ່າຍວັນທີ 11/04 (ຕາມເວລາທ້ອງຖິ່ນ), ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ໂດຍທ່ານນາງປະທານສະພາແຫ່ງຊາດ ຫງວຽນທິກີມເງິນ ນຳໜ້າ ໄດ້ມາຮອດສະໜາມບິນ Vaclav Havel, ປຣາຮາ ປະເທດ ສ.ເຊັກໂກ ເລີ່ມຕົ້ນການຢ້ຽມຢາມ ສ.ເຊັກໂກ ຢ່າງເປັນທາງການແຕ່ວັນທີ 11/04 – 14/04.
ພາຍຫລັງມາຮອດສະໜາມບິນດັ່ງກ່າວ, ທ່ານນາງປະທານສະພາແຫ່ງຊາດ ຫງວຽນທິກີມເງິນ ແລະ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ໄດ້ລົງຢ້ຽມຢາມ ແລະ ເຮັດວຽກກັບພະນັກງານສະຖານທູດ ຫວຽດນາມ ປະຈຳ ສ.ເຊັກໂກ. ທ່ານນາງປະທານສະພາແຫ່ງຊາດ ຫງວຽນທິກີມເງິນ ແຈ້ງໃຫ້ຊາບເປົ້າໝາຍຂອງການຢ້ຽມຢາມ, ບັນດາການເຄື່ອນໄຫວຂອງຄະນະ ແນໃສ່ຊຸກຍູ້ ແລະ ເຮັດໃຫ້ການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຮອບດ້ານກັບ ສ.ເຊັກໂກເວົ້າລວມ ແລະ ສະພາແຫ່ງຊາດ ເຊັກໂກ ເວົ້າສະເພາະເລິກເຊິ່ງກ່ວາອີກ. ທ່ານນາງປະທານສະພາແຫ່ງຊາດ ຫງວຽນທິກີມເງິນ ກໍ່ແຈ້ງໃຫ້ຊາບສະພາບການພັດທະນາເສດຖະກິດ - ສັງຄົມພາຍໃນປະເທດ. ທ່ານນາງຖືວ່າ: ການພົວພັນເສດຖະກິດ - ການຄ້າ - ການລົງທຶນລະຫວ່າງ 2 ປະເທດຍັງບໍ່ທັນເໝາສົມກັບຄວາມສາມາດບົ່ມຊ້ອນການຮ່ວມມື ແລະ ຄວາມຫວັງຂອງ 2 ຝ່າຍ, ທ່ານນາງປະທານສະພາແຫ່ງຊາດສະເໜີວ່າ ສະຖານທູດ ແລະ ປະຊາຄົມຊາວ ຫວຽດນາມ ອາໄສຢູ່ ເຊັກໂກ ສືບຕໍ່ຊຸກຍູ້ການພົວພັນຮ່ວມມືນີ້ ນັບມື້ນັບພັດທະນາກ່ວາອີກ ໃນໄລຍະຈະມາເຖິງ.
(ແຫຼ່ງຄັດຈາກ VOV)
