ຂ່າວສານ

ປະທານປະເທດເຈີ່ນດ້າຍກວາງມອບຂໍ້ຕົກລົງແຕ່ງຕັ້ງຮອງປະທານສານປະຊາຊົນສູງສຸດ ຫງວຽນວັນຢູ

09/06/2018

ວັນທີ 08 ມິຖຸນາ, ຢູ່ທຳນຽບປະທານປະເທດ, ໂດຍຕາງໜ້າໃຫ້ການນຳພັກ, ລັດ, ທ່ານປະທານປະເທດ ເຈີ່ນດ້າຍກວາງ, ຫົວໜ້າຄະນະຊີ້ນຳການປະຕິຮູບຕຸລາການສູນກາງ ໄດ້ມອບຂໍ້ຕົກລົງແຕ່ງຕັ້ງທ່ານ ຫງວຽນວັນຢູ, ຜູ້ພິພາກສາສານປະຊາຊົນສູງສຸດ ດຳລົງຕຳແໜ່ງຮອງປະທານສານປະຊາຊົນສູງສຸດ.

(ທ່ານປະທານປະເທດເຈີ່ນດ້າຍກວາງມອບຂໍ້ຕົກລົງແຕ່ງຕັ້ງຮອງປະທານສານປະຊາຊົນສູງສຸດ ຫງວຽນວັນຢູ)

ກ່າວຄຳເຫັນທີ່ພິທີປະກາດຂໍ້ຕົກລົງ ແລະ ມອບໜ້າທີ່ໃຫ້ທ່ານຮອງປະທານສານປະຊາຊົນສູງສຸດ ຫງວຽນວັນຢູ, ທ່ານປະທານປະເທດ ເຈີ່ນດ້າຍກວາງ ເນັ້ນໜັກວ່າ, ທ່ານຮອງປະທານສານປະຊາຊົນສູງສຸດ ຫງວຽນວັນຢຸ ສືບຕໍ່ຝຶກຝົນຫຼໍ່ຫຼອມຄຸນທາດການເມືອງໃຫ້ໜັກແໜ້ນ, ຈົ່ງຮັກພັກດີຕໍ່ພັກ, ລັດ ແລະ ປະຊາຊົນ; ເປັນແບບຢ່າງໃນການປະຕິບັດຕາມແນວທາງ, ແຜນນະໂຍບາຍຂອງພັກ, ນະໂຍບາຍ, ກົດໝາຍຂອງລັດຢ່າງແທ້ຈິງ.

(ແຫຼ່ງຄັດຈາກ VOV)

ເປີດສະຫຼອງສູນອາວະກາດ ຫວຽດນາມ: ພັດທະນາວິທະຍາສາດເຕັກໂນໂລຢີຈັກກະວານອາວະກາດ

14/03/2026
ຂ່າວສານ

ຕອນເຊົ້າວັນທີ 13 ມີນາ, ຢູ່ເຂດອຸດສາຫະກຳສູງ ຮວ່າລາກ, ຮ່າໂນ້ຍ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ແລະ ບັນດາຜູ້ແທນໄດ້ຕັດແຖບຜ້າເປີດສະຫຼອງກິດຈະກຳສູນອາວະກາດ ຫວຽດນາມ. ນີ້ແມ່ນພື້ນຖານໂຄງລ່າງທີ່ທັນສະໄໝ, ມີຂອບຂະໜາດ ແລະ ລະດັບເຕັກໂນໂລຢີນອນໃນກຸ່ມກ້າວໜ້າໃນພາກພື້ນອາຊີຕາເວັນອອກສ່ຽງໃຕ້, ໄດ້ຜັນຂະຫຍາຍດ້ວຍແຫຼ່ງທຶນຊ່ວຍເຫຼືອຫຼ້າ (ODA) ຂອງລັດຖະບານ ຍີ່ປຸ່ນ ລວມມູນຄ່າລົງທຶນກວ່າ 7.000 ຕື້ດົ່ງ (280 ລ້ານ USD).