ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ແລະ ທ່ານ Sugi Ryotaro,
ເອກອັກຄະລັດຖະທູດພິເສດ ຫວຽດນາມ - ຍີ່ປຸ່ນ (ພາບ: TTXVN)

      ຕອນບ່າຍວັນທີ 26 ກໍລະກົດ, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ໄດ້ໃຫ້ການຕ້ອນຮັບທ່ານ Sugi Ryotaro, ເອກອັກຄະລັດຖະທູດພິເສດ ຫວຽດນາມ - ຍີ່ປຸ່ນ ເນື່ອງໃນໂອກາດທ່ານມາຢ້ຽມຢາມ ຫວຽດນາມ, ເຂົ້າຮ່ວມ ລາຍການ “ງານມະໂຫລານດົນຕີ ອາຊຽນ - ຍີ່ປຸ່ນ - ຄຳພາວະນາເພື່ອສັນຕິພາບ” ໃນຂອບເຂດຂໍ້ລິເລີ່ມວັນ  ອາຊຽນ - ຍີ່ປຸ່ນ. ທ່ານຮອງນາຍົກລັດຖະມົນຕີ ຫວູດຶກດາມໄດ້ຕີລາຄາສູງຕໍ່ບັນດາການປະກອບສ່ວນອັນຕັ້ງໜ້າຂອງທ່ານ Sugi Ryotaro ໃຫ້ແກ່ການພົວພັນມິດຕະພາບລະຫວ່າງ ຫວຽດນາມ - ຍີ່ປຸ່ນໃນຕະຫຼອດ 30 ປີທີ່ຜ່ານມາ, ທ່ານເຊື່ອໝັ້ນວ່າໃນໄລຍະຈະມາເຖິງ, ດ້ວຍອິດທິພົນຊື່ສຽງຂອງຕົນ, ທ່ານ Sugi Ryotaro ຈະສືບຕໍ່ມີຂໍ້ລິເລີ່ມ, ມີການເຄື່ອນໄຫວອັນແທດຈິງຫຼາຍຢ່າງເພື່ອປະກອບສ່ວນເຂົ້າໃນເລື່ອງຊຸກຍູ້ການພົວພັນຄູ່ຮ່ວມມືຍຸດທະສາດເລິກກ້ວາງ ລະຫວ່າງສອງປະເທດໃນຫຼາຍຂົງເຂດ ແລະ ຍູ້ແຮງການໂຄສະນາພາບພົດຂອງ ຫວຽດນາມຢູ່ ຍີ່ປຸ່ນ.

 (ແຫຼ່ງຄັດຈາກ VOV)