ທ່ານເຈືອງຮວ່າບິ່ງຮອງນາຍົກລັດຖະມົນຕີຫວຽດນາມ, ຜູ້ປະຈຳການລັດຖະບານ ແລະ ທ່ານ Rumen Radev
ປະທານາທິບໍດີບຸນກາຣີ (ພາບ: TTXVN)
ທີ່ການພົບປະ, ທ່ານຮອງນາຍົກລັດຖະມົນຕີຫວຽດນາມ, ຜູ້ປະຈຳການລັດຖະບານໄດ້ແຈ້ງໃຫ້ທ່ານປະທານາທິບໍດີ ບຸນກາຣີຮັບຊາບກ່ຽວກັບໝາກຜົນແຫ່ງການພົບປະເຈລະຈາກັບທ່ານTomislavDonchevຮອງນາຍົກລັດຖະມົນຕີບຸນກາຣີ, ພ້ອມດຽວກັນນັ້ນ, ກໍ່ໄດ້ສະເໜີໃຫ້ບຸນກາຣີຊຸກຍູ້ສະຫະພາບເອີລົບ (EU) ໃຫ້ສັດຕະຍາບັນສັນຍາການຄ້າເສລີຫວຽດນາມ-EU (EVFTA) ແລະສັນຍາອາລັກຂາການລົງທຶນລະຫວ່າງຫວຽດນາມ-ເອລົບ (EVIPA) ໂດຍໄວ, ເພື່ອສ້າງກຳລັງໜູນໃຫ້ແກ່ການພົວພັນທາງດ້ານເສດຖະກິດລະຫວ່າງສອງ ປະເທດຕື່ມອີກ.
ທ່ານປະທານາທິບໍດີບຸນກາລີRumen Radevຢັ້ງຢືນວ່າ: ຫວຽດນາມແມ່ນໜຶ່ງໃນບັນດາຄູ່ຮ່ວມມືທີ່ສຳຄັນຂອງບຸນກາຣີຢູ່ອາຊີຕາເວັນອອກສ່ຽງໃຕ້; ສະເໜີໃຫ້ສອງຝ່າຍເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ທຸກຂະແໜງການເພື່ອແນໃສ່ຊຸກຍູ້ ການຮ່ວມມືສອງຝ່າຍພິເສດແມ່ນຂົງເຂດເສດຖະກິດ-ການຄ້າ-ການລົງທຶນ; ຊົມເຊີຍບັນດາມາດຕະການທີ່ໄດ້ເຫັນດີເປັນເອກະພາບເພື່ອແນໃສ່ການຊຸກຍູ້ການຮ່ວມມືໃນທຸກຂົງເຂດ.ໃນໂອກາດດັ່ງກ່າວ, ທ່ານຮອງນາຍົກລັດຖະມົນຕີຫວຽດນາມ, ຜູ້ປະຈຳການລັດຖະບານເຈືອງຮວ່າບິ່ງຂໍຖືເປັນກຽດສົ່ງຄຳເຊື້ອເຊີນຂອງທ່ານເລຂາທິການໃຫ່ຍ, ປະທານປະເທດຫວຽດນາມຫງວຽນຝູຈ້ອງໃຫ້ທ່ານປະທານາທິບໍດີບຸນກາຣີໄປຢ້ຽມຢາມສສຫວຽດນາມໃນປີ 2020 ເນື່ອງໃນໂອກາດຄົບຮອບ 70 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງສອງປະເທດ.
ໃນວັນດຽວກັນ, ທ່ານຮອງນາຍົກລັດຖະມົນຕີຫວຽດນາມ, ຜູ້ປະຈຳການລັດຖະບານເຈືອງຮ່ວາບິ່ງກໍ່ໄດ້ມີການພົບປະກັບທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດບຸນກາຣີ; ພົບປະກັບປະທານກຳມາທິການຍຸດຕິທຳສະພາແຫ່ງຊາດບຸນກາຣີ; ກຸ່ມສະມາຊິກລັດຖະສະພາມິດຕະພາບບຸນກາຣີ-ຫວຽດນາມ; ຢ້ຽມຢາມສະຖາທູດຫວຽດນາມປະຈຳບຸນກາຣີ, ພົບປະແລະໂອ້ລົມກັບບັນດາພະນັກງານ, ພາລະກອນສະຖານທູດແລະຜູ້ຕາງໜ້າປະຊາຄົມຊາວຫວຽດນາມອາໄສຢູ່ບຸນກາຣີ./.
(ແຫຼ່ງຄັດຈາກ VOV)
